Песьні на руінах (1929)/Чорная дарога/Зашумелі лісты

← Новыя лісты

Зашумелі лісты Верш Аўтар: Язэп Пушча 1929 год

О, жоўталісьце мой асеньні →

Прапануем да спампаваньня!

ЗАШУМЕЛІ ЛІСТЫ

Верасьнёвыя смуглыя колеры
Ў задуменьні засмучаным вянуць;
Ў задуменьні бярозы пакорныя
Атрусаюць журбу на паляну.

А вятры над панурымі ўзгоркамі
Разьвяваюць лістоў пазалоту.
Ўжо рабіна з калінай прагорклаю
Абліліся крывёй каля плоту.

Расьпялёхаўся лёгкімі вёсламі
На вазёрнай суцемені месяц.
Зашумелі лісты над усплёсамі,
Залісталіся ласкава ў лесе.