Скрыпка беларуская (1906, кірыліца)/Суседзям у неволи

Суседзям у неволи
Верш
Аўтар: Цётка
1906 год

Іншыя публікацыі гэтага твора: Суседзям у няволі.

Прапануем да спампаваньня!

Суседзям у неволи.

Ад сваих хат, ад сваих ниў,
Ад усих братоў, хто тольки жыў
Несу слезу, несу я стон.
Несу нагаек царских звон.
У нас там ночь, у нас там стук
Мы ацемнелі з страшных мук.
З нас пот льецца. Сохнуць грудзи.
Нас катуюць. Чуйце людзи!
Чуйце, чуйце, руку дайце!
Мы вам родны. Праўду знайце:
Ци ў доли, ци ў недоли
З вами станем ў адном поли
Рука ў руку з нашим братам
За свабоду перед катам.