Слуцкія песьняры (1926)/П. Шукайла/Думкі аб бацькаўшчыне

← Песьня жаўра

Думкі аб бацькаўшчыне Верш Аўтар: Паўлюк Шукайла 1926 год

Палёт →

Прапануем да спампаваньня!

ДУМКІ АБ БАЦЬКАЎШЧЫНЕ

„Сыночак, ня сумуй, прыйдзе
час — пабачымся“.(З лісту бацькі).

Разьвітала мяне
ночка цёмная…
Помню, —
жыта шалясьцела скрозь,
мяжа
бур‘яніста-зялёная
была мне падарож.
Не забуду ніколі
браточка,
што апошні
сказаў мне:
— бывай!..
Жыві вольна
і нас у няволі,
Паўлюк,
не забывай.

І ла сёньнешні дзень
мяне душаць
братня-юнацкія словы.
Ой, не магу ды слухаць
зьвяк
ланцугоў
сталёвых!
І калі
выбух протэсту
гучыць
па савецкіх палёх,
мне ў ім
зацесна…
Туды-б!
каб толькі я мог?!.
Каб толькі я мог?!