Спадчына (1922)/III/Я казак — не казак…

← Куды не ўцякаю

Я казак — не казак… Верш Аўтар: Янка Купала 1922 год

Я й воля мая →

Іншыя публікацыі гэтага твора: Я казак — не казак…

Прапануем да спампаваньня!

Я КАЗАК—НЕ КАЗАК…

Я казак—не казак,
Што нагайкай сьвісьціць,
А казак, што калісь
Знаў, як волю любіць!

Што гуляў за Дняпром
Ад зары да зары,
Ў вольнай Сечы грымеў,
Як парогі ў Дняпры.

Што на бел-сьвет сьпяваў.
Песьні з поўных грудзей
І гасьцінна прымаў
З сьвету вольных людзей.

Што умеў пастаяць—
Паляцець у паход—
І за волю сваю,
І за ўвесь бедны род.

Што кароны пікой
І пасады ўстрасаў,
А законы крывёй
Самаўладцам пісаў!

7/VII—11 г.