Спадчына (1922)/VI/Груганы

← «Чын», гэрб і лапаць

Груганы Верш Аўтар: Янка Купала 1922 год

На ўсе рукі →

Іншыя публікацыі гэтага твора: Груганы (Купала).

Прапануем да спампаваньня!

ГРУГАНЫ.

Адзін з захаду груган,
А другі з усходу
Прыляцелі на сяло,
На чужую шкоду

І давай паміж сабой
Гутарыць, хваліцца:
—Круму! Круму! Што за рай!
Ёсьць чым пажывіцца!

Дасюль елі мерцьвякоў,
А цяпер затое
Будзем піць мы кроў жывых,
Мяса есьць жывое!