Старонка:Biełaruskija narodnyja pieśni z Sakolskaha pawietu (1930).pdf/16

Oj złuju ja, złuju,
na swaju matulu,
našto mnie addała
zamuž maładuju.
Ani ja da rodu,
ani rod da mianie;
puści, Jasiuleńku,
da radziny maje.
Ja sam nie pajedu
i cibie nie pušča,
bo buduć pytaci
ci charaše ŭ chaci.
Bo buduć pytaci
ci charaše ŭ chacie,
ci žywa, zdarowa,
ci charaše ŭ doma.
Jak buduć pytaci,
budu tak kazaci:
oj žywa, zdarowa
i charaše ŭ doma.
Była rusa kasa —
wyrwaŭ da wałasa.
Chwartušak siwieńki
ad ślozak makreńki.

9. A u łuzi dźwie kaliny.
(Melodyja jak „Piecie ludzi harelicu“ Nr. 4).

A u łuzi dźwie kaliny,
a treciaja sasna,
ni dla cibie, moj Jasiulku,
ja ŭ matki wyrasła.