Суседзі (1932)/Будзьце непарушны

Будзьце непарушны
Фэльетон
Аўтар: Анатоль Вольны
1932 год

Прапануем да спампаваньня!

БУДЗЬЦЕ НЕПАРУШНЫ…

Калі поэты пішуць бяссэнсіцу, дык гэта зразумела; ім гэта дзеля рыфмы трэба, але пашто гэты літаратурны прыём ужывае Менская разьніца — незразумела.

Тымчасам нам у рэдакцыю прысланы наступны офіцыйны дакумант, які мы і прыводзім літаральна:

Б.С.С.Р.

Менскі Комунальны
Сельскагаспадарчы
Прамысловы Комбінат

„Мянсельпром“.

Гарацкая разьніца.
№ 496.

Ігуменскі шлях, 3,
тэлеф. 1-25

Герб, марка
в I рубль.
М. П.

СПРАВКА

Дана сия гр-ке Мечык Е. Д. в том что ею убито на Мингорскотобойне за время с 1-го октября по 1 октября согласно корешков квитанционных книжек 136 1/2 свиней (сто тридцать шесть с половиной) из коих 62 крупных и 74 1/2 срэдних, что подписями и приложенем печати удостоверяется.

Зав. скотобойней (подпись)

За Бухгалтера (подпись)

В том числе и входнт компанионы битые вместе с гр-кой Мечик Е. Д.

За Бухгалтера (подпись)

Указанное количество свиней в справке, это и есть на долю гр-кой Мечик Е. Д.

В корешке значуюся свиня Мечик и Матусевач делилось на паловину.

Заведывающий скотобойней (подпись).

За Бухгалтера (подпись)

Мингорскотобойня.

Вы бачыце, што робіцца з ліквідацыяй няпісьменнасьці?

— „Плахая положение“, як зазначыў адзін мой знаёмы з т-ва „Прэч няпісьменнасьць“.

Але затое цікава працаваць на Менскай разьніцы. Напісаў адну адносіну ў дзень, а потым хадзі сабе ды пахруквай… Няхай, маўляў, разьбяруцца хто там каго ў нас біў, Мечык з кампаніяй сьвіньню, ці сьвіньня з кампаніяй Мечык.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Таварышы з Менскай разьніцы, ніякіх крокаў у сувязі з гэтым фэльетонам ня прымайце.

Пішэце і яшчэ гэткія адносіны (можа да чаго дапішацеся!).

А я яшчэ буду пісаць фэльетоны.

А чытач яшчэ будзе чытаць іх.

Колектыўна, адным словам, працаваць будзем…

■