Суседзі (1932)/Сумна

← Бюрократычная сьвіньня

Сумна Фэльетон Аўтар: Анатоль Вольны 1932 год

Малайцы землякі →

Іншыя публікацыі гэтага твора: Сумна (Вольны).

Прапануем да спампаваньня!

СУМНА.

Пасьля таго, ды зноў тое-ж…

Сумна таварышы!

Рэжуць!

І штаты, і накладныя, і прагулы, і нават разьязныя рэжуць.

Ды што вам, таварышы, тлумачыць, слова вы-ж мяне і самі разумееце…

Сумна!

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Раней бывала, не бяз цяжкай працы, зьбярэцца сабе свая кампанія ва ўстанове і так сядзяць ужо сабе бяз клопатаў ды загадваюць адзін аднаму.

Кажуць, што у аднай установе вось так загадвалі.

— Ты, Міцька, занес дзядзьку на подпіс паперу?

— Не.

Ну, пачакай жа вось я скажу зараз цётцы, а яна перадасьць свайму зяцю, а зяць скажа свайму дзеду; ён тады ўжо табе пакажа.

А цяпер…

Цэлымі сем‘ямі, кажуць у некаторых установах скарачаюць.

Ой, сумна!

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Альбо раней — зойдзеш сабе за якой-небудзь даведкай ва ўстанову. Падыдзеш да сакратара ды толькі пачнеш яму:

— Скажэце, калі ласка…

— Да старшага справавода!

А справавод да зама, а зам да рэгістратара, а рагістратар зноў да сакратара.

І пайшло…

Ходзіш сабе цэлы двень ды пасьвістваеш!

А цяпер…

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Альбо раней анкета.

Адзін раённы культсавет толькі павінен быў за год адказаць па 51 форме па 98.122 запытаньні.

Анкета бывала, аб усім у вас запытаецца, усё высьветліць.

У ёй бывалі і гэткія запытаньні:

— Хлопчык ты ці дзяўчынка, і калі не, дык чаму.

— Быў ты пад судом ці не, і калі не, дык чаму.

— А цяпер…

— Нават і анкету скарачаюць!

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Сумна!

■