Творы М. Багдановіча (1927—1928)/I/I/30

← 29. ⁂ Ціхія мае ўсе песьні

30. Романс Верш Аўтар: Максім Багдановіч 1927 год

31. ⁂ Пэўна любіце вы, пане →

Прапануем да спампаваньня!

30.

РОМАНС.

Не знайсьці мне спакою ні цёмнаю ноччу, ні днём,
Бо любоў мяне мучыць і паліць пякельным агнём.
Але ведама: каб, апаліўшыся, боль заглушыць, —
Трэба толькі да раны халоднай зямлі прылажыць.
Пэўна прыдзецца мне пахавацца ў сырую зямлю,
Каб уцішыць мучэньні і тую забыць, што люблю.

1910.

Увагі

30. Романс. Не знайсьці мне спакою… Выдаецца з аўтографу (п. VI, № 25). Задатаваны ў аўтографе 1910 г.