Творы М. Багдановіча (1927—1928)/I/I/53

← 52. Купідон

53. На могілках Рондэль Аўтар: Максім Багдановіч 1927 год

54. У старым садзе →

Іншыя публікацыі гэтага твора: На могілках (Багдановіч).

Прапануем да спампаваньня!

53.

НА МОГІЛКАХ.
(Рондэль).

Амур і сумны і прыгожы
Стаіць з павязкай на вачах
Ля склепу. Часам лёгкі пах
Сюды даносіцца ад рожы.
Паўсюль крыжы, вянкі… Чаго-жа
Тут, дзе магілы, сьцень і прах,
Амур і сумны і прыгожы
Стаіць з павязкай на вачах?
І ціха думаў я: быць можа,
Любоў, палёгшы у трунах,
Перамагла і сьмерці жах!
Спачнеце-ж! Вечна на старожы
Амур і сумны і прыгожы.

1913.

Увагі

53. На могілках. Верш друкуецца з „Нашае Нівы“ 1913 г. № 22. Захаваўся ў чарнавікох аўтограф яго (п. IV, № 13, ст. 38).
У 10-ым радку трэба заўважыць няўдалую граматычную форму: „палёгшы“.