Творы М. Багдановіча (1927—1928)/I/I/9

← 8. Прыдзе вясна

9. Хрэсьбіны лясуна Верш Аўтар: Максім Багдановіч 1927 год

10. Лясун. Сосны, елі, хвоя… →

Іншыя публікацыі гэтага твора: Хрэсьбіны лесуна.

Прапануем да спампаваньня!

9.

ХРЭСЬБІНЫ ЛЯСУНА.

Бор шумеў, навяваў зводны сон,
А у ім ціхі гул раздаваўся, —
Гэта ў небе лясун калыхаўся
На вяршынах вялізных сасон.
Яму месяц маркотны сьвяціў,
Падымалі крыжы ў неба елі, —
І у сіняй нябеснай купелі
Душу дзікую ён ахрысьціў.

1909.

Увагі

9. Хрэсьбіны лясуна. Верш друкуецца з „Нашае Нівы“ (1909 г. № 35-36), дзе першы раз надрукован.