Творы М. Багдановіча (1927—1928)/I/II/Думы/154

← 153. ⁂ Калі зваліў дужы Гэракл у пыл Антэя

154. ⁂ Бледны, хілы ўсё-ж люблю я Верш Аўтар: Максім Багдановіч 1927 год

155. ⁂ Жывеш ня вечна, чалавек →

Іншыя публікацыі гэтага твора: Бледны, хілы, ўсё ж люблю я…

Прапануем да спампаваньня!

154.

∗     ∗
∗

Бледны, хілы ўсё-ж люблю я
Твой і мудры і кіпучы верш, Анакрэон!
Ён у жылах кроў хвалюе,
Ў ім жыцьцё струёю плешча, вее хмелем ён.

Верш такі — як дар прыроды,
Вінаграднае, густое, цёмнае віно:
Дні ідуць, праходзяць годы, —
Але ўсё крапчэй, хмяльнее робіцца яно.

Увагі

154. Бледны, хілы, ўсё-ж люблю я… Верш першы раз друкаваўся ў „Нашай Ніве“ 1910 г. № 37.
У аўтографе 1 р. „чахлы“ зам. „хілы“.