Творы М. Багдановіча (1927—1928)/I/II/У зачарованым царстве/116

116. Досі ўжо працы
Верш
Аўтар: Максім Багдановіч
1927 год

Іншыя публікацыі гэтага твора: Досі ўжо працы.

Прапануем да спампаваньня!

116.

ДОСІ ЎЖО ПРАЦЫ.

Гэй, варушэцеся, коні панурыя,
Досі ўжо працы, бо сонца зайшло!
Ярка-чырвоныя, жоўтыя, бурыя
Боразны ў небе яно правяло.
Хутка ўжо зоркі зірнуць сіняватыя,
Месяц пакрые палі палатном…
Досі ўжо! З вамі вярнуся да хаты я
І пазабудуся сном.

Увагі

116. Досі ўжо працы. Верш першы раз друкаваўся ў „Н. Н.“ 1910 г. № 23-24.