Творы М. Багдановіча (1927—1928)/I/IV/243

← 242. ⁂ Ах, як сьпявае

243. ⁂ Бывае, вада перапоўніць
Верш
Аўтар: Максім Багдановіч
1927 год

244. Двайняткі →

Прапануем да спампаваньня!

* ТВОРЧАСЬЦЬ ПОЭТЫ, —

ЯЕ ПРЫРОДА І КРЫНІЦЫ.

243.

∗ ∗
∗

Бывае, вада перапоўніць
Ставок і праз бераг памкнецца;
Калі-жа з яго [вышаў] лішак,
[Дык] далей вада не бяжыць.

Бывае і так, што руйнуе
Плаціну вада; ў гэту пору
Струяцца апошнія хвалі,
І сохне няшчасны ставок.
З поэтамі так-жа бывае:

Адзін дае людзям ізьлішкі,
Другі [ўсё, што мае]. Я гэткі:
Пяю я з надтрэснутым сэрцам,
Апошні свой скарб аддаю.

Увагі

243. Бывае, вада перапоўніць. Друкуецца з чарнавога аўтографу (п. IV, № 5, 10). Час напісаньня прыблізна можа быць вызначаны гадамі 1909—1911 таму, што аўтограф зьмешчаны ў чарнавым сшытку апошніх гадоў навучаньня ў гімназіі (1909—1911). У тым-жа сшытку знаходзіцца верш „Дзябольскаму“, задатаваны 1911 годам.
У радку 11-ым словы „ўсе, што мае“ друкуюцца ў дужках, як дагадка Камісіі, замест нерасчытанага тэксту.