Творы М. Багдановіча (1927—1928)/I/IV/246

246. ⁂ Ёсьць гэткая японская забаўка
Верш
Аўтар: Максім Багдановіч
1927 год

247. ⁂ Ўсё ў жыцьці мне даўно ўжо абрыдла →

Прапануем да спампаваньня!

246.

∗ ∗
∗

Ёсьць гэткая японская забаўка:
Кідаюць дробныя аскёпкі дрэва
У ваду — і робяцца яны цьвятамі.
Баюся я, што Ваша спачуваньне
Прымушу тое-ж з вершамі зрабіць.

∗ ∗
∗

Тут пахаваны мае пачуваньні, — калісьці жывыя.
Можа, палюбіце Вы могілкі іх навяшчаць.

∗ ∗
∗

Сьпеў залунаў — і сама адгукнулася чула на ліры
Звонам ціхуткім струна…
Ці адзавецеся Вы?

Увагі

246. Ёсьць гэткая японская забаўка. Тут пахаваны мае пачуваньні. Сьпеў залунаў.
Чарнавыя накіды з аўтографаў, зьмешчаных у п. VI, № 4, 4. Выстарчаючых даных для вызначэньня году напісаньня няма.
Адзін з мотываў першага адрыўку ўвайшоў у верш „Пану Антону Навіне на спамін ад аўтара“ (№ 57).