Творы М. Багдановіча (1927—1928)/I/IV/260

← 259. ⁂ Ліецца па бары шырокі, поўны шум

260. ⁂ Сягоньня ноччу я ў царстве казкі Верш Аўтар: Максім Багдановіч 1927 год

261. ⁂ Усплывае грамада сыфонофора →

Прапануем да спампаваньня!

260.

∗     ∗
∗

Сягоньня ноччу я ў царстве казкі:
Звычайны сьвет растануў, зьнік,
У сінім небе з-пад палумаскі
Глядзіць прыгожа маладзік.

Вось ён схаваўся у вуалецьце —
Празрыстай хмаркі серабры, —
Бо налякаўся, [відаць], конфэцьці
Шматфарбных зорак у гары.

[Там сьнегавою хтось сыпле пудрай],
Каб цешыць свой вясёлы шал.
А я у песьні ня надта мудрай
[Апеў нябёс] каранавал.

Увагі

260. Сягоньня ноччу я ў царстве казкі… Выдаецца з аўтографу (п. IV, № 10, 4.)

Слова „відаць“ (7 р.) закасована поэтам; словы „апеў нябёс“ (12) нячытэльны і ўстаноўлены прыблізна.