|
Галаву сваю вечар павесіў,
заскрыпела адлігай зіма…
А за працаю гучна і весела, —
нудлівасьці ў працы няма!
Сёньня Максім з Кацярынай
з фабрыкі „Ўдарны фронт“
справілі баль-акцябрыны —
новае нашых дзён.
Піонер ад рабочых падросткаў
гальштук чырвоны паднёс —
прамовай гарачай і простай
жадаў — каб вялікі рос!
Комсамолец з радасьцю кінуў:
— Паслухай, таварыш Максім, —
нас — парадніла машына,
а з сынам — імя яго — КІМ.
Піонэр-комуніст-комсамолец —
разгортвайце — „Ўдарны фронт“!
Рух наш няспынны ніколі,
іскрыцца, як сонечны горн.
Радасьць працоўных усьпенена,
радасьць шчасьлівых хвілін.
Думкі бясьсьмертнага Леніна —
звонкія песьні машын.
12. IV. 25 г.
|
Прапануем да спампаваньня!