Творы (Александровіч, 1932—1933)/1/II/Прастор казацкай коньніцы

← Буду мець шчасьце

Прастор казацкай коньніцы Верш Аўтар: Андрэй Александровіч 1933 год

Волга →

Іншыя публікацыі гэтага твора: Прастор казацкай коньніцы.

Прапануем да спампаваньня!

ПРАСТОР КАЗАЦКАЙ КОНЬНІЦЫ

Сонца
ў дзіўных скалах
славу нам снавала.

Арол
на небасхіле
ў праменьнях точыць крыльлі.

Горы
шлях арліны
цалуюць сінь вяршыняй.

Даліны
ветравольніцы
прастор казацкай коньніцы.

∗

Я схіліў чупрыну,
ўзышоўшы на скалу:
горам і далінам,
сонцу і арлу.

1926 г., Каўказ