Вершы для дзяцей (Колас, 1945)/Храбры певень

Конь і сабака Храбры певень
Верш
Аўтар: Якуб Колас
1945 год
Восень
Іншыя публікацыі гэтага твора: Храбры певень.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




ХРАБРЫ ПЕВЕНЬ

Па надворку певень ходзіць,
За сабою куры водзіць
І крычыць: — Сюды! сюды!
Як кіўне ён галавою,
Сыплюць куры чарадою —
Як адна бягуць туды.
А калі хто кур пужае,
Певень грозна загукае:
— Хто такі там? Хто такі?.
Вось на ток ён зачасаўся.
— Кыш! — адтуль хтось адазваўся.
— А які там чорт? Які?

Певень жытам кур частуе,
Гаспадара бы й не чуе,
Кліча кур: — Сюды! сюды!
Гаспадар мятлу хапае.
Гвалт наш певень падымае:
 — Хто куды! ой, хто куды!