Шляхам жыцьця (1913)/I/Брату

← Грай-жэ, музыка!..

Брату Верш Аўтар: Янка Купала 1913 год

Як спытаюцца нас… →

Іншыя публікацыі гэтага твора: Брату (Купала).

Прапануем да спампаваньня!

Брату.

Мой ты ўбогі, мой ты цёмны,
Родны мой,
Ты пытаеш, хто такіе
Мы с табой?
Ці мы людзі, ці скаціна,
Запытай
Гэту коску, гэту сошку,
Гэты гай;
Гэта поле, на каторым
Млееш, млеў;
Гэту сгніўшую хацінку,
Гэты хлеў.
Запытайся сваей долі,
Сваіх пут,
Ці мы людзі, ці скаціна,
Хто мы тут?

---