Шляхам жыцьця (1913)/VII/Родны дом

← Варажбітка

Родны дом Верш Аўтар: Марыя Канапніцкая 1913 год Арыгінальная назва: Kochasz ty dom Пераклад: Янка Купала

Тры пары дня →

Іншыя публікацыі гэтага твора: Родны дом (Канапніцкая/Купала).

Прапануем да спампаваньня!

Родны дом.

М. Конопніцкай.

Ці любіш дом? свой родны дом,
Што ў ночку—летавай парой—
Шэптанем ліп варожыць сном,
Сьлязу солодзіць цішынёй.

Ці любіш дом? сваю страху?
Што многа лет гняце ў маху
Крывых варот нізкі парог,
Што ласкай сьцеліцца да ног.

Ці любіш дом? ад’жыўчы пах
Пракосных зёл, насьпелых ніў,
І ружы цвет, што ў кальчуках
Сваю прыгожэсьць засяліў.

Ці любіш дом? свой родны дом,
Што гул жывых сасон вярхоў
І духаў стогн, і віхраў хор
Пералівае ў тваю кроў.

Ці любіш дом? свой родны дом,
Што ў часе бур, плакучых хмар,
Калі ў душу ударыць гром,
Нясе прытульны думкам чар.

Раз любіш ты, і ўсей душой
Пад гэтай хочэш жыць страхой,
Кут бацькаў сэрцэм сьцеражы,
І сэрцэ ў ім на век злажы.

---