|
Pastuški piajali,
Chrystusa witali —
Boh nam abjawiŭsia,
Ŭ Betlej naradziŭsia.[1]
Nia ŭ pyšnych charomach,
Ani ŭ panskiah domach:
U maleńkaj chaci
Jaho tulić Maci.
Treba nieści dary,
Treba dać achwiary:
Jak my i Jon kwoły
Choć kruhom anioły.
Treba prywitaci
Boha ŭ Dziciaci
Dyk padojdziem blizka,
Pakłonimsia nizka.
Śpiajom našu pieśniu,
Jak-by na pradwieśni:
Chrystus swiet admienić.
Hrech i zło pryščemić.
Pakaža jak žyci,
Boha jak lubici —
Sławim, Ciabie Boža,
Pieśniaj, jak chto moža.
Čeść Tabie, Maryja,
Čystaja lilija:
Ciabie Božaj Maciaj
Budziem nazywaci.
I Jazepu chwała
Niachaj-by paŭstała,
Bo ŭ jaho-ž pryniatku
Maryja z Dziciatkam.
Chwalim wielmi Boha,
Bo nam darahoha
Spasłaŭ Syna z nieba,
Kab dušy dać chleba.
Dyk ludcy huknicie,
Na ŭwieś swiet piaicie —
Što Boh čaławieku
Spahadaŭ adwieku.
|
Прапануем да спампаваньня!