Hołas dušy (1926)/III/Chrost i Konfirmacyja

Chrost i Konfirmacyja
Публіцыстыка
Аўтар: Казімір Сваяк
1926 год

Прапануем да спампаваньня!

Chrost i Konfirmacyja.

Chrost robić nas chryścijanami i daje začatki tych Boskich cnotaŭ wiery, nadziei j lubowi, katoryja słužać asnowaj da paznańnia i miławańnia Boha. Konfirmacyja ŭdzialajecca ŭ tym časie, kali ŭžo začynajem paznawać zło: na ŭzmacnieŭnie duchowych sił u zmahańni z im. Chrostu dziciaci nie adkładaj, ale starajsia čym-chutčej achryścić. Dzicia — istota kwołaja: moža zachwareć i ŭmiorci biaz Chrostu^[1]. Nia wier zababonam, što kabiety čaŭpuć ab budučynie dziciaci pa ŭrodzinach. Jak dzicia wyhaduješ, takim i budzie. Karmi dobra, adziawaj čysta, wučy razumna i žartuj z usieńkich warožbaŭ. Budzieš hadawać u čystacie i bajaźni Božaj, to daść Boh budzie jano zdarowaje i pryhožaje. Kumoŭ wybiraj ludziej dobrych i tałkowych.

Pa Chroście kumy praz chwilinu pawinny pamalicca na intencyju achryščanaha, a nie ŭciakać strymhałoŭ z kaścioła.

Dzicia, katoraje trymaŭ ty da Chrostu, ličycca tabie swajakom z Chrostu. Nie zabywaj, kaho maješ chreśnikam i daj jamu prykład žyćcia razumnaha.

Kali da wašaj parafii, abo susiedniaj pryjaždžaje biskup dziela adwiedzin, pastarajsia dziaciej da Sakramentu Konfirmacyi pryhatawaci. Sakrament Konfirmacyja tak zawiecca tamu, što jon zmacniaje łasku Božuju ŭ nas, a „confirmare“ značyć pałacinie ŭmacniać. Biskup značyć čało alejkam, katory zawiecca Chryzma, i takimi sławami konfirmuje: „Značu ciabie znakam kryža i zmacniaju chryzmam zbaŭleńnia“. Da hetaha Sakramentu wybiary sabie adnaho świedku, katory niachaj pałožyć, padčas kali biskup padojdzie, ruku na prawaje plačo. Swiedkaj dla chłapca pawinien być mužčyna, a dla dziaůčaci — žančyna. Chto nie konfirmawany, nia moža być świedkam. Pa konfirmacyi nie wychadzi z kaścioła, ale čakaj až biskup daść bahasławienstwa. Prad Konfirmacyjaj treba nawučycca katechizmaŭ i być u Spowiedzi, chiba chto jšče mały. Ale ŭ našym abradzie małych nie konfirmujuć. Nia možna prystupać da hetaha Sakramentu bolš razu. U sławianskim abradzie Sakrament hety ŭdzialajecca zaraz pa Chroście. U abradzie łacinskim konfirmuje tolki biskup.

↑ U kožnaj wioscy pawinien być chto nawučany chryścić dzicia z wady ŭ patrebie. Paliwajučy hałoŭku wadoj nakryž, treba razam kazać: „Ja chrysču ciabie ŭ imia Ajca i Syna i Ducha światoha“.

[1] U kožnaj wioscy pawinien być chto nawučany chryścić dzicia z wady ŭ patrebie. Paliwajučy hałoŭku wadoj nakryž, treba razam kazać: „Ja chrysču ciabie ŭ imia Ajca i Syna i Ducha światoha“.

[1]