Hołas dušy (1934)/II/Malitwy światočnyja/Malitwy padčas Imšy św. 1
| ← Malitwy światočnyja | Malitwy padčas Imšy św. Малітвы Аўтар: Казімір Сваяк 1934 год |
Malitwy padčas Imšy św. → |
Прапануем да спампаваньня!
MALITWY PADČAS IMSY ŚW.
(uziatyja z Liturhii).
Intencyja pierad Imšoj św.
Usiomahutny wiečny Boža! Achwiaruju Tabie hetu Imšu św., kab addać Tabie naležnuju čeść i chwału; kab prasić u Ciabie łask patrebnych dla ŭsiaho Kaścioła Światoha, dla našaha narodu i dla nas samych; kab padziakawać Tabie za ŭsie dary, jakimi Ty abdaryŭ nas i ŭsio čaławiectwa, a tak-ža kab pieraprasić Ciabie za ŭsie swaje hrachi i prawiny.
Pradwiečny Ojča, Boža moj! Chaču wysłuchać hetaj Imšy św. z najbolšaj uwahaj i nabožnaściaj, bo wiedaju, što heta jość biaskroŭnaja achwiara Syna Twajho. Niekali, wisiačy na kryžy, Jon praliŭ kroŭ swaju, achwiarujučysia za nas hrešnych, taksama i ciapier, na hetym aŭtary, sposabam biaskroŭnym achwiarujecca za nas. Pryjmi-ž, Ojča pradwiečny, hetuju achwiaru Syna Twajho za nas i za dušy čyscowyja (tut uspomni, za kaho i na jakuju intencyju ty achwiaruješ hetuju Imšu św., za žywych ci za pamioršych). Daj mnie, Boža, patrebnuju lasku, kab ja moh naležna wysłuchać hetaj Imšy św., bieražy mianie ad usiaho niepatrebnaha i hrešnaha i budź u maich dumkach u časie hetaha nabaženstwa.
Wiedaju, Boža moj, što ja hrešny i niawarty, kab prybližycca da aŭtara Twajho, ale wiedaju tak-ža, što Ty možaš mianie ačyścić, kali ja ščyra pakajusia za hrachi maje i nawiarnusia da Ciabie.
Boža, budź miłaściwy mnie hrešnamu!
I. PRYHATAWAŃNIE DA IMSY ŚW.
Malitwy pierad stupieńniami aŭtara.
† U imia Ajca i Syna i Ducha Światoha. Amen.
Uwajdu da aŭtara Božaha, da Boha, što raźwiesialaje moładaść maju.
Sudzi mianie, Boža, i raźbiary sprawu maju z nieświatym narodam, ad čaławieka niahodnaha i zdradliwaha wyrwi mianie. Bo Ty jość Boh, moc maja, čamu-ž Ty mianie adkinuŭ, i čamu chadžu sumny, kali ździekujecca nada mnoju worah? Wyšli światło Twajo i praŭdu Twaju: jany mianie pawiaduć i zawiaduć na haru Twaju światuju i ŭ sialiby Twaje.
Uwajdu da aŭtara Božaha, da Boha, što raźwiesialaje moładaść maju.
Budu sławić Ciabie na cytry, Boža, Boža moj: čamu sumnaja duša maja i čamu mianie trywožyš? Miej nadzieju ŭ Boha, bo jašče budu Jamu sławić, Jon zbaŭleńnie majo i Boh moj! Chwała Ajcu i Synu i Duchu Światomu, jak było spradwieku, ciapier i zaŭsiody i nawieki wiečnyja. Amen.
Uwajdu da aŭtara Božaha, da Boha, što raźwiesialaje moładaść maju.
Pomač našaja ŭ imieńni Pana, katory stwaryŭ nieba i ziamlu.
Spawiadajusia Bohu Ŭsiomahutnamu, bahasłaŭlenaj Maryi, zaŭsiody Dziewie, bahasłaŭlenamu Michału Archaniełu, bahasłaŭlenamu Janu Chryścicielu, światym apostałam Piatru
._%D0%9C%D0%B0%D0%BB%D1%8E%D0%BD%D0%B0%D0%BA_7.png)
Malitwa pierad stupieńniami aŭtara.
malilisia za mianie da Pana Boha našaha.
Niachaj źlitujecca nad nami Usiomahutny Boh i adpuściŭšy hrachi našy, niachaj dawiadzie nas da žyćcia wiečnaha. Darawannie, razhrašeńnie i adpuščeńnie hrachoŭ našych niachaj nam daść Usiomahutny i miłaserny Pan. Amen.
Boža, Ty źwiarnuŭšysia ažywiš nas, i narod Twoj uzradujecca ŭ Tabie. Pakažy nam, Panie, miłaserdzie Twajo, i daj nam zbaŭleńnie Twajo. Panie, pasłuchaj malitwaŭ našych, i hołas naš niachaj da Ciabie dojdzie.
Prosim Ciabie, Panie, adyjmi ad nas niahodnaści našy, kab my da miesca Światoha Światych z čystym sercam uwajści zasłužyli. Praz Chrystusa Pana našaha. Amen. Prosim Ciabie, Panie, praz zasłuhi światych Twaich, katorych relikwii tut jość, i praz zasłuhi usich światych, kab darawać mieŭ łasku ŭsie hrachi našy. Amen.
Introit i Kyrie elejson.
Budź bahasłaŭlenaj, świataja i nieraździelnaja Trojca; sławim jaje, bo jana ŭčyniła z nami miłaserdzie swajo. Panie Boža naš, jak dziŭnaje jość imia Twajo pa ŭsiej ziamli! Chwała Ajcu i Synu i Duchu Światomu, jak była spradwieku, ciapier i zaŭsiody i nawieki wiečnyja. Amen.
|
Panie, zžalsia nad nami |
Gloria in excelsis Deo.
(U dni žałoby i pakuty prapuskajecca).
Chwała na wyšyni Bohu, a na ziamli supakoj ludziam dobraje woli. Chwalim Ciabie, bahasławim Ciabie, kłaniajemsia Tabie, sławim Ciabie, dziakujem Tabie dziela wialikaj chwały Twajej. Panie Boža, Waładaru niabiesny, Boža Ojča Ŭsiomahutny. Panie, Synie adzinarodny, Jezu Chryste, Panie Boža, Baranak Božy, Synie Ajca. Katory znosiš hrachi świetu, zžalsia nad nami. Katory znosiš hrachi świetu, pryjmi prośby našyja. Katory siadziš prawaruč Ajca, zžalsia nad nami. Bo Ty sam światy, Ty sam Pan, Ty sam Najwyšejšy, Jezu Chryste, z Ducham światym u chwale Boha Ajca. Amen.
Malitwa zbornaja (kolekta).
Malemsia! Usiomahutny wiečny Boža, što słuham swaim daŭ praz praŭdziwuju wieru paznać chwału światoj Trojcy i sławić jaje, daj nam, prosim Ciabie, kab my siłaj hetaj wiery pieramahli ŭsie pieraškody i mahli dajści da Ciabie ŭ waładarstwie niabiesnym. Boža, što ŭmacniaješ tych, katoryja na Ciabie spadziajucca, uzhlań łaskawa na našy malitwy, a jak biez Ciabie ničoha nia moža našaja słabaść, tak padaj nam pomač łaski Twajej, kab my ŭ spaŭniańni Twaich prykazańniaŭ mahli Tabie spadabacca i achwotaj i pracaj našaj.
Pryjmi łaskawa, prosim Ciabie, Panie, prośby Kaścioła Twajho, kab, pieramohšy ŭsie praciŭnaści i zabłudžeńni, moh słužyć Tabie ŭ biaśpiečnaj wolnaści. Praz Chrystusa Pana našaha. Amen.
Lekcyja.
(Z I Piśma św. Jana 4, 8—21).
Darahija! U hetym prajawiłasia luboŭ Božaja ŭ nas, što Boh Syna swajho pasłaŭ na świet, kab my žyli praz jaho. U hetym jość luboŭ: nie tamu, što my ŭzlubili Boha, ale što jon pieršy nas uzlubiŭ i pasłaŭ Syna swajho na ŭmiłaściŭleńnie za hrachi našy. Darahija! Kali Boh tak uzlubiŭ nas, to i my pawinny lubić adzin druhoha…
Kali-b chto skazaŭ, što, „ja lublu Boha“, a nienawidzieŭ-by brata swajho, toj niepraŭdziwiec. Bo chto nia lubić brata swajho, katoraha bačyć, jak-ža moža lubić Boha, katoraha nia bačyć? I hetaje majem prykazańnie ad Boha, kab toj, chto lubić Boha, lubiŭ i brata swajho.
Hraduał. Ja skazaŭ: Boža, zžalsia nada mnoju, azdarawi dušu maju, bo ja zhrašyŭ pierad Taboju. — Bahasłaŭleny, chto spahadaje biednamu i patrabujučamu, bo ŭ dzień zły paratuje jaho Pan. — Pačuj, Panie, słowy maje, zwaž na hołas moj!
Malitwa pierad Ewanelijaj.
Ačyści serca majo i wusny maje, Usiomahutny Boža, i jak ačyściŭ wusny Izaija praroka ahnistym kamiancom, tak ačyści i mianie dziela łaskawaha miłaserdzia Twajho, kab ja moh hodna abwiaščać Twaju światuju ewaneliju. Praz Chrystusa Pana našaha. Amen.
Ewanelija
(z św. Lukaša 6, 36—42).
U heny čas skazaŭ Jezus swaim wučniam: Budźcie miłaserny, jak i Ajciec waš miłaserny jość. Nia sudziecie i was nia buduć sudzić, adpuščajcie i wam adpuściać. Bo jakoju mieraj wy admierycie, takoju i wam admierać… Što ty widziš tresačku ŭ woku brata twajho, a palena u woku twaim nia widziš? Abo jak možaš skazać bratu twajmu: Daj, bracie, ja wyjmu tresačku z woka twajho, a sam nia widziš palena ŭ woku twaim. Krywadušnik, wykiń pierš palena z woka swajho, a tahdy pabačyš, jak wyniać tresačku z woka brata twajho!
Credo in unum Deum.
(Skład wiery, pryniaty na saborach u Nicei i Konstantynopali).
Wieru ŭ adnaho Boha, Ajca Ŭsiomahutnaha, Twarca nieba i ziamli, usich rečaŭ widomych i niawidomych. I ŭ adnaho Pana Jezusa Chrysta, Syna Božaha adzinarodnaha i z Ajca zrodžanaha prad usimi wiakami, Boha z Boha, światło sa światła, Boha praŭdziwaha z Boha praŭdziwaha, zrodžanaha nia stworanaha, suistotnaha Ajcu, praz katoraha ŭsio stworana. Katory dziela nas ludziej i našaha zbaŭleńnia zyjšoč z nieba i ŭziaŭ cieła praz Ducha Światoha z Maryi Dziewy i staŭsia čaławiekam.
Ukryžawany tak-ža za nas pry Poncyju Piłatu, zamučany i pachawany. I ŭskros treciaha dnia pawodle Pisanniaŭ.
I ŭzyjšoŭ u nieba, siadzić prawaruč Ajca. I znoŭ maje pryjści z chwałaju sudzić žywych i pamioršych: jaho waladarstwu nia budzie kanca. I ŭ Ducha Światoha, Pana i Ažywiciela, katory ad Ajca i Syna pachodzić, katory z Ajcom i Synam razam pawažajecca i sławicca, katory hawaryŭ praz prarokaŭ. I ŭ adzin, światy, katalicki i apostalski Kaścioł. Wyznaju adzin chrost na adpuščeńnie hrachoŭ. I čakaju ŭskrašeńnia pamioršych i žyćcia pryšłaha wieku. Amen.
II. SAMAJA IMŠA ŚW.
(ACHWIARA).
Achwiarawańnie chleba i wina
(Pieršy raz zwoniać).
Pryjmi, światy Ojča, Usiomahutny wiečny Boža, hetu pračystuju achwiaru, jakuju ja, niahodny słuha Twoj, achwiaruju Tabie, Bohu majmu žywomu i praŭdziwamu, za niaźličonyja hrachi, i prastupki, i niadbajłaści maje, a tak-ža za ŭsich tut prysutnych i za ŭsich wiernych chryścijan, žywych i pamioršych, kab mnie i im pamahla jana da zbaŭleńnia na žyćcio wiečnaje. Amen.
Boža, katory hodnaść natury ludzkoj dziŭna stwaryŭ, a jašče dziŭniej naprawiŭ, daj nam praz tajnicu hetaj wady i wina, kab my mahli być učaśnikami ŭ Bostwie Taho, katory mieŭ łasku stacca ŭčaśnikam našaj ludzkoj natury, Jezus Chrystus, Syn Twoj, Pan naš, katory z Taboju žywie i waladara ŭ jednaści Ducha światoha, Boh nawieki wiečnyja. Amen.
Achwiarujem Tabie, Panie, kielich zbaŭleńnia, uprašajučy Twaju łaskawaść, kab za našaje i ŭsiaho świetu zbaŭleńnie ŭzyjšoŭ jon z pryjemnym pacham prad woblik Twajho majestatu. Amen.
U duchu pakory i z skryšanym sercam niachaj budziem pryniaty Taboju, Panie, i tak niachaj siannia spoŭnicca achwiara našaja prad woblikam Twaim, kab spadabałasia Tabie, Panie Boža.
Pryjdzi, Paświaciciel, Usiomahutny wiečny Boža, i bahasławi hetuju achwiaru, pryhatawanuju Twajmu światomu Imieńniu.
._%D0%9C%D0%B0%D0%BB%D1%8E%D0%BD%D0%B0%D0%BA_5.png)
Achwiarawańnie.
Lavabo (abmyćcio ruk).
(Psalm 25): Abmyju mižy niawinnymi ruki maje i abyjdu aŭtar Twoj, Panie. Kab pačuć mnie hołas chwały i kab raskazać usie dziwy Twaje. Panie, palubiŭ ja azdobnaść domu Twajho i miesca prabywańnia chwały Twajej.
Nia hubi, Boža, z biazbožnynymi dušy majej i z ludźmi krywawymi žyćcia majho. U rukach katorych jość nieprawoty, prawica ich poŭnaja padarkaŭ. A ja chadziŭ u niawinnaści majej: adkupi mianie i zžalsia nada mnoju. Naha maja stajała na darozie prostaj, u kaściołach budu chwalić Ciabie, Panie.
Chwała Ajcu i Synu i Duchu Światomu, jak była spradwieku, ciapier i zaŭsiody i nawieki wiečnyja. Amen.
Paśla abmyćcia ruk:
Pryjmi, świataja Trojca, hetuju achwiaru, jakuju Tabie prynosim na pamiatku muki, uskrašeńnia i ŭšeścia Jezusa Chrysta, Pana našaha, i na čeść bahasłaŭlenaj Maryi, zaŭsiody Dziewy, i bahasłaŭlenaha Jana Chryściciela, i światych apostałaŭ Piatra i Paŭła, i hetych (katorych relikwii jość u aŭtary), i ŭsich światych, kab im pryniasła čeść, a nam zbaŭlennie, i kab tyja mieli łasku zastupicca za nas u niebie, katorych pamiatku abchodzim na ziamli. Praz taho-ž Chrystusa, Pana našaha. Amen.
Orate fratres.
(Maleciesia braty).
Niachaj pryjmie Pan z ruk twaich hetuju achwiaru na čeść i chwału Imieńnia swajho, na karyść tak-ža našuju i ŭsiaho Kaścioła Swajho Światoha.
Prosim Ciabie, Panie Boža naš, na zaklik Twajho światoha Imieńnia, paświaci hetyja dary achwiarnyja, a praz ich i nas samych učyni dla siabie wiečnym daram. Praz Pana našaha Jezusa Chrysta, Syna Twajho, katory z Taboju žywie i waładara ŭ jednaści Ducha Światoha, praz usie wiaki wiečnyja. Amen.
Prefacyja.
Uźniatyja sercy ŭharu miejma da Pana i addawajma padziaku Panu Bohu našamu, bo hodnaj i sprawiadliwaj jość rečaj hetak čynić!
Sapraŭdy hodnaj i sprawiadliwaj, słušnaj i zbaŭlennaj jość rečaj, kab my Tabie zaŭsiody i ŭsiudy padziaku čynili, Panie Światy Ojča.
Usiomocny wiečny Boža, katory z adzinarodnym Synam Twaim i Ducham światym jość adzin Boh, jość adzin Pan, nie ŭ addzielnaści adnej asoby, ale ŭ istocie adnej Trojcy.
Bo što my ab Twajej chwale, z abjaŭlennia Twajho wierym, hetaje-ž ab Synie Twaim, hetaje-ž ab Duchu Światym biaz nijakaj roźnicy razumiejem, kab u wyznawańni praŭdziwaha i wiečnaha Bostwa pawažać ŭ asobach ułaściwaść, u sutnaści jednaść i ŭ majestacie roŭnaść; katoruju sławiać anieły i archanieły, cherubimy tak-ža i serafimy, katoryja nie pierastajuć štodnia sławić, u adzin hołas kažučy: Światy, Światy, Światy Pan Boh siłaŭ niabiesnych, poŭnyja nieba i ziamla chwały Twajej. Hosanna na wyšyni! Bahasłaŭleny, što idzie ŭ imia Pana, Hosanna na wyšyni!
(Tut druhi raz zwoniać „na Sanctus“, i pačynajecca Kanon, abo najwažniejšaja i niaźmiennaja čaść Imšy św.).
KANON IMŠY ŚW.
Malitwy prad Kansekracyjaj.
Ciabie, najłaskawiejšy Ojča, praz Jezusa Chrysta, Syna Twajho, pakorna prosim i molim, kab pryniaŭ i pabahasławiŭ hetyja dary, hetyja padarki, hetyja światyja čystyja achwiary, katoryja Tabie składajem pradusim za Kaścioł Twoj Światy Katalicki, kab jaho abdaryć supakojem, bierahčy, źjadnać i kirawać mieŭ łasku pa ŭsim ziamnym wokruhu, razam z słuhoju Twaim Papiežam našym N. i biskupam našym N., a tak-ža z usimi prawawiernymi pakłońnikami katalickaj i apostalskaj wiery.
Pomni, Panie, ab słuhach i słužkach Twaich N. N. (tut uspomni tych z žywych, za katorych chočaš malicca) i ab usich tut prysutnych, katorych wiera Tabie znanaja i pabožnaść wiadomaja, za katorych Tabie achwiarujem, abo katoryja Tabie achwiarujuć hetuju achwiaru chwały, za siabie i za ŭsich swaich, za adkupleńnie duš swaich, za nadzieju zbaŭleńnia i scalennia swajho, i addajuć Tabie, Bohu wiečnamu, žywomu i praŭdziwamu šlubawańni swaje.
Biaručy ŭčaście i pawažajučy pamiać pradusim prasłaŭlenaj zaŭsiody Dziewy Maryi, Radzicielki Boha i Pana našaha Jezusa Chrysta, a tak-ža apostałaŭ i mučanikaŭ Twaich, i ŭsich światych Twaich, praz katorych zasłuhi i malitwy daj nam, kab my ŭ-wa ŭsich patrebach Twajej pomačaj byli ŭzmocnieny. Praz taho-ž Chrystusa, Pana našaha. Amen.
Woś-ža prosim Ciabie, Panie, kab łaskawa pryniaŭ achwiaru słužeńnia našaha, ale i cełaj siamji Twajej, i dni našyja ŭładziŭ u Twaim supakoi, a nas wyrwaŭ ad wiečnaj zahuby i da stady wybranych Twaich zahadaŭ paličyć. Praz Chrystusa Pana našaha. Amen.
Kansekracyja i Padniasieńnie.
Ciapier pačynajecca najwažniejšaja častka Imšy św. — Kansekracyja,
._%D0%9C%D0%B0%D0%BB%D1%8E%D0%BD%D0%B0%D0%BA_3.png)
Padniaćcie Hostyi.
„Biarecie i ješcie z hetaha ŭsie, bo hetaje jość Cieła majo“;
„Biarecie i piecie z jabo ŭsie, bo bety jość Kielich Krywi majej, Nowaha i Wiečnaba Zakonu, Tajnica wiery, jaki za was i za mnohich budzie prality na adpuščeńnie hrachoŭ.
„Heta skolki razoŭ budziecie čynić, čyniecie na maju pamiatku“.
Kali kapłan skaža hetyja słowy nad chlebam i winom, padymaje ich i heta jość Padniasieńnie. Tady treci raz zwoniać. U časie Padniasieńnia
._%D0%9C%D0%B0%D0%BB%D1%8E%D0%BD%D0%B0%D0%BA_6.png)
Padniaćcie Kielicha.
Malitwy paśla Kansekracyi.
Na hetyja dary miej łasku, Boža, miłym i łaskawym woblikam uzhlanuć i pryniać ich, jak mieŭ łasku pryniać dary sprawiadliwaha słuhi Twajho Abla, i achwiaru patryjarcha našaha Abrahama, i tuju, što Tabie achwiarawaŭ najwyšejšy Twoj kapłan Melchizedech, światuju achwiaru, niepawinnuju Hostyju.
Pakorna prosim Ciabie, Usiomahutny Boža, zahadaj hetaje pieranieści praz ruki światoha anieła Twajho na wysoki aŭtar Twoj, prad woblik boskaha Twajho Majestatu, kab tyja z nas, katoryja, prybližajučysia da hetaha aŭtara, pryjmajuć Najświaciejšaje Ciela i Kroŭ Syna Twajho, byli napoŭnieny ŭsiakim niabiesnym bahasławienstwam i łaskaj. Praz taho-ž Chrystusa Pana našaha. Amen.
Pomni tak-ža, Panie, ab słuhach i słužkach Twaich, katoryja papiaredzili nas z znakam wiery i śpiać snom supakoju. (Tut uspomni dušy pamioršych, za katorych chočaš malicca). Hetym dušam, Panie, i ŭsim supačywajučym u Chryście, prosim, daj miesca achałody, światła i supakoju. Praz taho-ž Chrystusa, Pana našaha. Amen.
Nam tak-ža hrešnym słuham Twaim (tut udersia ŭ brudzi), majučym nadzieju ŭ wialikaści źmiławańnia Twajho, daj jakujuś častku i supolnaść z Twaimi światymi apostałami i mučanikami i ŭsimi światymi Twaimi, da katorych supolnaści, prosim, dapuści nas nia tak dziela zasłuhaŭ našych, jak dziela ščadraty miłaserdzia Twajho. Praz Chrystusa, Pana našaha. Praz Jaho, z Im i ŭ Im niachaj budzie Tabie, Boža, usiomahutny Ojča, u jednaści Ducha Światoha, čeść i chwała na wieki wiečnyja. Amen. (Tut čaćwierty raz — zwoniać prad „Pater noster“).
Pater noster (Ojča naš).
Malemsia. Zahadami zbaŭlennymi napomnienyja i boskim nastaŭleńniem pawučanyja, adwažwajemsia hawaryć: Ojča naš, katory jość u niebie i h. d. (zhawary da kanca).
Wybawi nas, prosim Ciabie, Panie, ad usialakich niaščaściaŭ, prošłych, ciapierašnich i budučych i praz zastupnictwa bahasłaŭlenaj i prasłaŭlenaj zaŭsiody Dziewy Maryi, Matki Božaj, z bahasłaŭlenymi apostałami Twaimi Piatrom i Paŭłam, tak-ža Andrejam i z usimi światymi, daj miłaściwa supakoj u dni našyja, kab pomačaj miłaserdzia Twajho ŭzmocnienyja, i ad hrechu byli zaŭsiody wolnyja, i ad usiakaj trywohi biaśpiečnyja. Praz taho-ž Pana našaha, Jezusa Chrysta, Syna Twajho, katory z Taboju žywie i waladara ŭ jednaści Ducha światoha Boh, praz usie wiaki wiečnyja. Amen.
Agnus Dei (Baranak Božy).
Baranak Božy, katory znosiš hrachi świetu, zžalsia nad nami.
Baranak Božy, katory znosiš hrachi świetu, zžalsia nad nami.
Baranak Božy, katory znosiš hrachi świetu, abdary nas supakojem.
Panie Jezu Chryste, katory skazaŭ swaim apostałam: Supakoj astaŭlaju wam, supakoj moj daju wam, nie hladzi na hrachi maje, ale na wieru Kaścioła Twajho i pawodle woli Twajej miej łasku abdaryć jaho supakojem i zjadnać. Katory žywieš i waladaryš Boh na wieki wiečnyja. Amen.
Panie Jezu Chryste, Synie Boha žywoha, katory z woli Ajca, sprawaju Ducha światoha, praz śmierć swaju świet ažywiŭ, wybawi mianie praz hetaje Najświaciejšaje Cieła i Kroŭ Twaju ad usich nieprawotaŭ maich i ad usiaho błahoha i ŭčyni, kab
Baranak Božy i Kamunija.
Kamunija.
Panie, ja nia hodny, kab Ty ŭwajšoŭ pad dach moj, ale skažy tolki słowami azdarawieje duša maja. (Try razy. Tut zwoniać piaty raz i apošni).
Kali nia prystupaješ da Kamunii św., to pryjmi prynamsi Kamuniju duchowuju, heta znača, dušoju žadaj i prasi, kab Jezus zyjšoŭ da serca twajho. Pry hetym hetak malisia:
O najmilejšy Jezu moj! Kali ja siańnia nie mahu pryniać Ciabie sakramentalna i widoma da serca majho, pazwol-ža prynamsi, kab ja rozumam, wolaj i pačućciom maim praz wieru, nadzieju i luboŭ złučyŭsia z Taboju. Wieru ŭ Ciabie, Boža i Zbaŭca moj, u Tabie nadzieju maju, i lublu Ciabie nad usio. Pryjdzi, Zbaŭca moj najmilejšy, da dušy majej i ŭświaci jaje, waźmi serca majo i ačyść ad usialakaha brudu, ścieražy mianie ad hrechu i nie pazwol mnie adłučycca ad Ciabie.
III. ZAKANČENNIE IMSY ŚW.
Apošnija malitwy.
Boža moj! Prašu Ciabie dziela hetaj Achwiary, jakaja adbyłasia za nas hrešnych, daj nam praŭdziwy žal za hrachi i achwotu ščyraj paprawy, daj nam haračuju luboŭ da Ciabie, kab my Ciabie miławali i nikoli nie pierastawali.
Abdary nas pilnaściaj u wykonwańni našych abawiazkaŭ, daj pomač u našych štodziennych trudoch i pracach, daj nam čystaść žyćcia, strymliwaść ad błahich pažadańniaŭ. Urešcie abdziali nas, Boža, usimi łaskami patrebnymi da chryśjanskaha žyćcia.
Prosim Ciabie, Panie Boža naš, barani ad usich niebiaśpiekaŭ tych, katorym Ty dazwoliŭ być učaśnikami Twaich światych Tajnicaŭ. Praz Chrystusa Pana našaha. Amen.
Bahasławienstwa.
† Niachaj nas bahasławić Usiomahutny Boh Ajciec i Syn i Duch światy. Amen.
._%D0%9C%D0%B0%D0%BB%D1%8E%D0%BD%D0%B0%D0%BA_8.png)
Bahasławienstwa.
Ewanelija pa Imšy św.
(św. Jan 1, 1—14).
Na pačatku było Słowa, i Słowa było ŭ Boha, i Boham było Słowa. Jano było na pačatku ŭ Boha. Usio praz jaho stałasia, i biaz jaho ničoha nie stałasia z taho, što stałasia. U im było žyćcio, a žyćcio było światłom ludziej, a światło ŭ ciemry świecić, i ciemra jaho nie aharnula.
Byŭ pasłany Boham čaławiek, jakomu było imia Jan. Jon pryjšoŭ na paświedčańnie, kab dać paświedčańnie ab światle, kab usie wieryli praz jaho. Nia byŭ jon światłom, ale kab paświedčańnie daŭ ab światle.
Było praŭdziwaje światło, katoraje aświačaje kožnaha čaławieka, prychodziačaha na hety świet. Na świecie byŭ i świet praz jaho staŭsia, ale świet jaho nie paznaŭ. Pryjšoŭ da swaich, a swaje jaho nie pryniali. A katoryja pryniali jaho, daŭ im moc stacca synami Božymi, tym, što wierać u imia jaho, katoryja nia z krywi, ani z woli cieła, ani z woli muža, ale z Boha naradzilisia. I słowa stałasia ciełam i prabywała pamiž nami — i my widzieli sławu jaho, sławu jak adzinarodnaha ad Ajca — poŭnaje łaski i praŭdy.
._%D0%9C%D0%B0%D0%BB%D1%8E%D0%BD%D0%B0%D0%BA_3.png)