Hołas dušy (1934)/II/Malitwy światočnyja/Niešpary
| ← Bahasłaŭleny Boh | Niešpary Малітвы Аўтар: Казімір Сваяк 1934 год |
Sakramenty → |
Прапануем да спампаваньня!
NIEŠPARY.
Niešpary — heta jość nabaženstwa wiačornaje i składajecca z 5 psalmaŭ, himnu, Magnificat (pieśnia N. Dziewy Maryi) i malitwaŭ. Niešpary tym roźniacca ad Imšy, što ŭ ich niama achwiary, jakaja stanowić sutnaść Imšy św.
Ojča naš… Prywitana budź…
V. † Boža, prybudź mnie na pomač,
R. Panie, paśpiašy mnie na ratunak.
Chwała Ajcu…
Psalm 109.
Skazaŭ Pan (Boh) majmu Panu (Mesyjašu): siadź prawaruč mianie.
Pakul nie pałažu worahaŭ twaich, padnožžam noh twaich.
Berła mocy twajej spuścić Pan z Syjonu: panuj pasiarod niepryjacielaŭ twaich.
Pry tabie pawadyrstwa ŭ dzień mocy twajej razam z jasnaściu światych, z ułońnia pierad świetam ja radziŭ ciabie.
Prysiahnuŭ Pan i kajacca nia budzie: Ty jość światar na wieki pawodle abradu Melchizedecha.
Pan prawaruč ciabie, u dzień hniewu swajho pakanaŭ karaloŭ.
Budzie sudzić narody i dakanaje ruiny, pachilić mnohim na ziamli hałowy.
U darozie z ručaju pić budzie,[1] dziela hetaha padnimie haławu.
Chwała Ajcu…
Psalm 112.
Chwalecie, dzieci, Pana, chwalecie imia Božaje.
Niachaj budzie bahasłaŭlena imia Pana, adciapier i až na wieki.
Ad uschodu sonca až da zachadu słaŭnaje imia Boha.
Bo Pan wysoki nad usie narody i nad niebam sława jahona.
Chto jak Pan Boh naš, katory prabywaje na wyšyni, adnak widzić nizkich na niebie i na ziamli.
Padymaje z ziamli słaboha, a z śmiaćcia wywyššaje ŭbohaha.
Kab dać jamu miesca razam z pawadyrami, z pawadyrami narodu swajho.
Jon čynić, što biaździetnaja matka, u domie ciešycca synami.
Chwała Ajcu…
Psalm 121.
Uzradawaŭsia ja tym, što mnie było skazana: pojdziem u dom Božy.
Stali nohi našyja, u sieniach twaich, Jeruzalimie.
Jeruzalimie, što buduješsia jak horad, ty złučaješ usich ŭ sabie.
Bo tudy chadzili ŭsie pakaleńni Božyja, kab pawodle zakonu Izrailawaha sławić imia Boha.
Tam pastaŭleny sudździoŭskija trony, trony ŭ domie Dawida.
Prasiecie supakoju dla Jeruzalimu, i dastatku dla miłujučych jaho.
Niachaj budzie supakoj u ścienach twaich i dastatak u budynkach twaich.
Dziela bratoŭ i bližnich maich, prašu supakoju dla ciabie.
Dziela domu Pana Boha našaha, žadaju dabra dla ciabie.
Chwała Ajcu…
Psalm 126.
Kali Boh nia zbuduje domu, daremna trudziacca tyja, što jaho budujuć.
Kali Boh nie ŭścieraže miesta, daremna nia śpić toj, što jaho ścieraže.
Daremna wam ustawać dodnia, ustawajcie adpačyŭšy, katoryja strudžany pracaj.
Jon dajeć son swaim miłym: woś syny, zapłata płodu ŭłońnia, buduć spadčynaj Božaj.
Jakimi jość streły ŭ ruce silnaha, takimi buduć syny pakryŭdžanych.
Bahasłaŭleny čaławiek, katory hetak spoŭniŭ žadańnie swajo, nie zaŭstydajecca, kali budzie hawaryć u sudzie z niepryjacielami swaimi.
Chwała Ajcu…
Psalm 147.
Chwali Jeruzalimie Pana, chwali, Syjonie, Boha twajho.
Bo ŭzmacawaŭ zasowy bramaŭ twaich i bahasławiŭ synom twaim.
Jon daŭ supakoj u hranicach twaich i nasyčaje ciabie zbožžam najlepšym.
Jon pasyłaje zahady swaje na ziamlu i wielmi skora razychodzicca słowa Jaho.
Jon pasyłaje śnieh jak woŭnu, a imhłu rassypaje, jak popieł.
Jon kidaje lod jak hrudy — pierad zimnom jaho chto-ž ustaić?
Pašle słowa swajo i rastopić ich, pawieje wiecier jahony i papływuć wody.
Jon abjaŭlaje słowa swajo Jakubu, sprawiadliwaść i pastanowy swaje Izrailu.
Nia čyniŭ tak niwodnamu narodu, pastanowaŭ swaich nie adkryŭ im.
Chwała Ajcu…
Ad pačatku i prad wiakami ja stworana i až da budučaha wieku być nie pierastanu, a ŭ światoj sialibie słužyła ja prad Im.
Bohu chwała.
Himn da Matki Božaj.
| Avemarisstella, DeiMaterAlma, Atque semper Virgo, Felixcoeliporta. Sumens illud Ave Gabrielis ore, Funda nos in pace, Mutans Hevae nomen. Solve vincla reis, Profer lumen caecis, Mala nostra pelle, Bona cuncta posce. MonstraTeesseMatrem, Sumat per Te preces, Qui pro nobis natus, Tulit esse Tuus. Virgo singularis, Inter omnes mitis, Nos culpis solutos, Mites fac et castos. Vitam praesta puram, Iter para tutum, Ut videntes Jesum, Semper collaetemur. Sit laus Deo Patri, Summo Christo decus, Spiritui Sancto, Tribus honor unus. |
Witaj zorka mora, Karmicielka Boha I zaŭsiody Dziewa, Da nieba daroha. Ŭziaŭšy prywitańnie Z wusnaŭ Habryjela, Daj spakoj nam mocny Źmienaj Imia Ewy. Z winnych skiń akowy, Zrok daruj niawisnym, Wyzwal nas ad hrechu, Abdary ŭsim dobrym. Pakažysia Matkaj, Niachaj pryjmie prośby, Chto dla nas radziŭsia, Być Twaim nia hardziŭ. Dziewa niazwyčajna Miž usich pakorna, Nam daruj niawinnaść, Pakoru i čystaść. Daj žyćcio čystoje Šlach zhatuj biaśpiečny, Widziačy Jezusa, Kab ciešyliś wiečna. Chwała Bohu Ojcu, I Chrystusu sława, I Duchu światomu, Trom adnaki honar. |
| Amen. | |
V. Pazwol mnie chwalić Ciabie, Dziewa Najświaciejša.
R. Daj mnie moc proci Twaich niepryjacielaŭ.
Magnificat.
Wialičaje duša maja Pana i ŭzradawaŭsia duch moj u Bohu, Zbaŭcy maim.
Bo ŭzhlanuŭ na pakornaść słužki swajej: woś adhetul bahasłaŭlenaj buduć nazywać mianie ŭsie narody.
Bo wialikija rečy ŭčyniŭ mnie Toj, katory mahutny jość i światoje imia jaho.
I miłaserdzie jahona z pakaleńnia ŭ pakaleńnie, dla tych, što bajacca jaho.
Učyniŭ mahutnaść rukoju swajeju i rassiejaŭ tych, što wynosiacca dumkami serca swajho.
Skinuŭ mocnych z pasadu i pawysiŭ pakornych.
Hałodnych zdawoliŭ dabrom, a bahatych z ničym adprawiŭ.
Pryniaŭ Izraila, słuhu swajho, uspomniŭšy ab miłaserdzi swaim.
Jak hawaryŭ da ajcoŭ našych, da Abrahama i patomstwa jaho na wieki.
Chwała Ajcu…
Malitwa.
Daj nam, słuham Twaim, prosim Ciabie, Panie Boža, ciešycca zaŭsiodnym zdaroŭjem dušy i cieła, i praz słaŭnaje zastupnictwa bahasłaŭlenaj zaŭsiody Dziewy Maryi ad ciapierašniaha smutku być wolnymi i karystacca z wiečnaj radaści. Praz Chrystusa Pana našaha. Amen.
† Pomač Božaja niachaj budzie z nami.
Ciapier i zaŭsiody i na wieki wiečnyja. Amen.
- ↑ Daroha aznačaje tut žyćcio Mesyjaša, a ručaj — usie ciarpieńni jahony.