|
O moj Bože! wieru Tabie
I ŭsio wieru ja dla Ciabie,
Ŭsiu nadzieju ŭ Tabie maju,
Za ŭsio Ciabie wychwalaju.
Ty stwaryŭ, Ty atkupiŭ,
Ty nas, Bože, aświaciŭ,
Za to Tabie, hdzie jość ludzi,
Čeść i sława nichaj budzie.
Tabie, Bože kłaniajusia,
Wa ŭsim na wolu zdajusia,
A być tolki chaču ŭ niebie,
Pa ŭsie wieki sławić Ciabie.
Žal mnie, Bože, zhrašyŭ Tabie,
Praz hrech dastaŭ piekła sabie,
Dy nie tak žal zhuby majej,
Jak žal, Bože, kryŭdy Twajej!
Ach moj, Bože, Tabie kajusia,
Daruj winy, ja papraŭlusia;
Dy ŭžo sto raz pamierci wolu,
Na hrech bolej nie pazwolu.
Dla Twajho ja ŭspadabania
Chaču chawać prykazania;
Žyć i ŭmirać chaču ŭ Tabie,
Bo Ty jość dobry sam u Sabie.
O Jezusie, Ty naš Panie,
Serca našaho kachanie!
Ručki, nožki Twaje całujem,
Za hrechi našy žalejem.
Całujučy Twaje rany,
O, Jezusie naš kachany,
Ruki j wočy k niebu ŭznosim,
Adpuščeńnia hrachoŭ prosim.
Ślozy našy wylewajem,
Ščyrym sercam pryrekajem,
Pakul budziem z ludźmi žyci,
Nia budziem Bohu hrašyci.
O, Maryja, Matka Boska!
Praświataja kwietka rajska!
Malisia Bohu za nami,
Niahodnymi hrešnikami.
Ŭsie światyje ŭzhlańcie z nieba!
Wašaj łaski nam patreba;
Maliciesia Bohu za nami,
Niahodnymi hrešnikami.
Sława Bohu praŭdziwamu,
Sława ŭ Trojcy Jadynamu,
Sława Ajcu, razam Synu,
Sława i Duchu Światomu.
|
Прапануем да спампаваньня!