Lekcyi i Evanelii na niadzieli i śviaty (1938)/I/25
| ← 24. Na IV niadzielu pa Vialikadni | 25. Na V niadzielu pa Vialikadni Урыўкі зь Бібліі 1938 год Пераклад: Адам Станкевіч |
26. Na VI niadzielu pa Vialikadni (U aktavie Ŭšeścia) → |
Прапануем да спампаваньня!
NA V NIADZIELU PA VIALIKADNI.
I.
Darahija, budźcie vykanaŭcami słova, a nie słuchačami tolki, ašukvajučy sami siabie. Bo kali chto jość słuchačom słova, a nie vykanaŭcam, — toj padobny da čalavieka, katory pryhladajecca ŭ lustry da svajho pryrodnaha vobliku: bo pahladzieŭ na siabie, i adyjšoŭ, a zaraz zabyŭsia, jakim byŭ. Adnak, kali-b chto dobra raspaznaŭ daskanalnaść zakonu volnaści i vytryvaŭ u im, staŭsia-b nie słuchačom, katory zabyvajecca, ale vykanaŭcam spravy, — toj bahasłaŭleny budzie ŭ čynie svaim. Kali-ž chto dumaje, što jon pabožny, nia strymlivajučy jazyka svajho, ale ašukvaje serca svajo, taho pabožnaść pustaja. Pabožnaść čystaja i biaz plamy pierad Boham i Ajcom hetkaja jość: adviedvać sirot i ŭdoŭ u ich niadoli, a siabie zachavać čystym ad hetaha śvietu.
(Jak. 1, 22—27).
II.
U heny čas skazaŭ Jezus svaim vučniam: sapraŭdy, sapraŭdy kažu vam: kali vy čaho paprosicie Ajca majho ŭ imia majo, daść vam. Dahetul vy ničoha nie prasili ŭ imia majo: prasicie i atrymajecie, kab radaść vaša była poŭnaj. Heta havaryŭ ja vam u prypovieściach. Nadychodzie čas, kali ŭžo nia ŭ prypovieściach budu havaryć vam, ale adkryta raskažu vam ab Ajcu. U toj dzień budziecie prasić u imia majo; ale nie kažu vam, što ja budu prasić Ajca za vas, bo sam Ajciec lubić vas dziela taho, što vy mianie ŭźlubili i ŭvieryli, što ja ad Ajca vyjšaŭ. Vyjšaŭ ja ad Ajca i pryjšoŭ na śviet: uznoŭ pakidaju śviet i idu da Ajca. Skazali jamu vučni jaho: voś ciapier jaŭna havoryš i nia kažaš nijakaj prypovieści. Ciapier my znajem, što ty viedaješ usio i nia treba tabie, kab chto ciabie pytaŭsia: dziela hetaha vierym, što ty ad Boha vyjšaŭ.
(Jan 16, 23—30).