Lekcyi i Evanelii na niadzieli i śviaty (1938)/II/26
| ← 25. Na dzień śv. Antoniaha | 26. Na dzień Naradžeńnia śv. Jana Chryściciela Урыўкі зь Бібліі 1938 год Пераклад: Адам Станкевіч |
27. Na dzień śviatych Apostałaŭ Piatra i Paŭła → |
Прапануем да спампаваньня!
NA DZIEŃ NARADŽEŃNIA ŚV. JANA CHRYŚCICIELA.
I.
Słuchajcie vyspy i ŭvažajcie narody zdaloku: Pan z žyvata paklikaŭ mianie, z žyvata majej matki ŭspomniŭ na majo imia. I pałažyŭ maje vusny, jak vostry mieč; u ciani svajej ruki zakryŭ mianie, i pałažyŭ mianie, jak vybranuju strału; u kalčanie svaim skryŭ mianie. I skazaŭ mnie: ty, Izrael, jość słuhoj maim, bo ŭ tabie prasłaŭlusia. I ciapier kaža Pan, tvoračy mianie z žyvata słuhoj sabie: voś daŭ ja ciabie na śvietłaść narodaŭ, kab byŭ ty zbaŭleńniem až da hranic ziamli. Vaładary ahladajuć i paŭstanuć starejšyja i kłaniacca buduć dziela Pana i dziela śviatoha Izraelevaha, katory ciabie vybraŭ.
(Iz. 49, 1—7).
II.
Alžbiecie pryjšou čas radzić i jana paradziła syna. I pačuli susiedzi i svajaki jaje, što ŭźvialičyŭ Pan miłaserdzie svajo nad jej, i ciešylisia z jej. I stałasia, što vośmaha dnia pryjšli abrezać dzicia i nazyvali jaho imiem baćki jaho Zacharym. Ale adkazvajučy matka jaho, skazała: nia hetak, a nazvany budzie Janam. I skazali jej, što nikoha niama ŭ rodzie tvaim, chto-b nazyvaŭsia hetym imiem. I pytalisia na mihi ŭ baćki jaho, jak-by jon chacieŭ nazvać jaho. Jon zažadaŭ doščačku i napisaŭ słovy: Jan jość imia jaho. I ŭsie dzivilisia. I ŭ toj-ža čas adkrylisia vusny jaho i jazyk jaho i havaryŭ, bahasłaviačy Boha. I praniaŭ strach usich susiedziaŭ ich, i pa ŭsich horach Judei raskazvali ab usim hetym; i ŭsie čuŭšyja brali heta da serca i kazali: kim, dumaješ, budzie heta dzicia? Bo ruka Pana była z im. A Zachary baćka jaho napoŭniŭsia Šviatym Ducham i prarakavaŭ, kažučy: Bahasłaŭleny Pan Boh Izraelski, što adviedaŭ i adkupiù svoj narod.
(Łuk. 1, 57—68).