Lekcyi i Evanelii na niadzieli i śviaty (1938)/II/32

32. Na dzień Uniebaŭziaćcia Najśv. Panny Maryi (Aspaža)
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA DZIEŃ UNIEBAŬZIAĆCIA
NAJŚV. PANNY MARYI.
(Aspaža).

I.

Uva ŭsim šukała supakoju i prabyvać budu ŭ spadčynie Pana. Tady zahadaŭ i skazaŭ mnie Tvarec usiaho: i katory stvaryŭ mianie, u sialibie majej supačyŭ i skazaŭ mnie: žyvi ŭ Jakubie i spadčynu vaźmi ŭ Izraela i ŭ vybranych maich puści karenni… I tak u Syonie ja ŭćvierdžana i ŭ śviatym mieście taksama supačyła i ŭ Jeruzalimie ŭłada maja. I zakaraniłasia ŭ narodzie pavažanym i ŭ čaści Boha majho spadčyna jahona, i ŭ poŭnaści śviatych prabyvańnie majo. Jak cedr na Libanie ja ŭzvyšana i jak cypr na hary Syon. Uzvyšana, jak palma ŭ Kades, i jak kusty ružy ŭ Jerychonie. Jak strojnaja aliŭka ŭ poli, i ŭzvyšana jak javar kala daroh nad vadoju. Jak cynamon i balsam pachniučy zapachnuła, jak myrra najlepšaja dała ja pryjemnaść pachu.

(Mudr. 24, 11—13; 15—20).

II.

U heny čas uvajšoŭ Jezus u vadno siało i niejkaja žančyna na imia Marta pryniała jaho ŭ dom svoj. I była ŭ jaje siastra na imia Maryja, katoraja, siedziačy kala noh Pana, słuchała słoŭ jahonych. Marta-ž kłapaciłasia kala roznaj pasłuhi. Jana stała i skazała: Panie, ci ty nia dbaješ, što siastra maja pakinuła mianie adnu pasłuhavać? Dyk skažy jej, kab pamahła mnie. A Pan, adkazvajučy, havaryŭ jej: Marta, Marta, kłapocišsia i turbuješsia ty ab vielmi mnohim, dy adno jość patrebnym. Maryja vybrała najlepšuju častku, katoraja ad jaje nia budzie adniata.

(Łuk. 10, 38—42).