Pieśni (1913)/II/Biez Ciabie — nie żywu

← Pieśnia hrabara

Biez ciabie — nie żywu Верш Аўтар: Цішка Гартны 1913 год

Pieśnia →

Іншыя публікацыі гэтага твора: Безь цябе — не жыву…

Прапануем да спампаваньня!

II.

Pieśni kachannia.

Druhu Ch. S—č.

---

1. Biez Ciabie — nie żywu…

Časta mnie ŭ smašnym śnie
Ty witannie daješ,
I skroź žar u moj twar
Pacałunkami šleš.

Jak by duch, dziŭny kruh
Apierazwaje nas,
I s taboj ja adnoj
Astajusia ŭwieś čas.

Twoj pahlad — serca brat —
Ja dušoju łaŭlu
I kryču: atpłaču
Tym, što ja… ja lublu.

Praz luboŭ ja hatoŭ
Na ciabie wiek hladzieć
I s taboj maładoj
Ŭ kraj čaroŭny lacieć.

U toj kraj, niby raj,
Dzie krasa i prastor,
Dzie piajuć — nie żywuć —
Hory, nieba i bor.

Ale ŭraz ŭ hety čas
Ty laciš ad mianie,
Adnamu son i ćmu
Pakidajučy mnie.

I lażu, warażu
Za taboju u śled:
Ci nazad swoj pahlad
Kinieš mnie u prywiet?…

---