Pieršaja čytanka (1916)/Z našaj minuŭščyny/Bitwa kala Mahiły
| ← Pieśnia a kniaziu Ŭsiesławie | Bitwa kala Mahiły Навкова-папулярны артыкул Аўтар: Вацлаў Ластоўскі 1916 год |
Biełaruś paśla wajny → |
Прапануем да спампаваньня!
Bitwa kala Mahilny.
Syny i ŭnuki Ŭsiesława razdzialili Biełaruskuju ziamlu na čaści. I stało ŭ Biełarusi zamiest adnaho mnoha kniazioŭ i kniaźstw. Kniazi pamiž saboj zaŭsiody swarylisia i wajawali. Ad razdziełoŭ i swarak abiazsileła i abiadnieła Biełaruś; worahi napadali na jaje i hrabili. Ciažka stała žyć našym pradziedam. Adny s kniaństw pačali šukać wychadu z hetaho ciažkoha pałažeńnia i dabrawolna dałučylisia da uzrastajučaho ŭ moc Litoŭskaho kniaźstwa. Inšyje chacieli wiarnuć daŭnuju sławu swajej baćkaŭščyny i, złučyŭšysia, wystupili prociŭ litwinoŭ sa swaim wojskam. Wojski sustrelisia nad Niomanam, kala wioski Mahilny, dzie litoŭski kniaź Rynhold razbiŭ biełaruskich kniazioŭ i zaharnuŭ pad Litwu ŭsiu Biełaruskuju ziamlu. Z hetaj pary biełarusy pačali žyć razam z litwinami u adnym supolnym kniaźstwie.