Pieršaja čytanka (1916)/Z našaj minuŭščyny/Pieśnia a kniaziu Ŭsiesławie

← Ŭsiesłaŭ

Pieśnia a kniaziu Ŭsiesławie Верш Аўтар: Вацлаў Ластоўскі 1916 год

Bitwa kala Mahiły →

Прапануем да спампаваньня!

Pieśnia a kniaziu Ŭsiesławie.

Ŭsiesłaŭ ludziej swaich sudziŭ,
Paradkawaŭ kniaziami,
A pa načach, jak woŭk, błudziŭ
Ad kraju ŭ kraj lesami.

Oś jon s-pad Kijewa biažyć,
A pokul dzień nastanie
I zołak ziemlu azaryć,
Nadmorski kraj ahlanie.

U Połacku zwany huduć
Na zamku u Sofii;
Jon soniejku praskočyć puć
I ŭčuje zwany tyje.

Nia mała j jon piereciarpieŭ,
Choć ducha mieŭ dziŭnoha…
Ab im kaliś hrymieŭ prypieŭ
Pieŭca bylic staroha:

„Choć chitry budź, choć borzdy budź,
„Jak sokał ŭ jasnym niebi.
„A woli Božaj nie minuć
„Nikomu ni ŭ jakoj patrebi.“

---