Pierszy pramień (1929)/95

← 94. Kamarowa biada

95. U prypar Верш Аўтар: Алесь Гарун 1929 год

96. U bary →

Іншыя публікацыі гэтага твора: У прыпар (Гарун).

Прапануем да спампаваньня!

95. U prypar.

Pryparyła, nachmaryła i ŭdaryła.

Światy Illa

Małanka ŭraz zjawiłasia, milhnuła i zwaliłasia. I dożdżykam abliłasia haraczaja ziamla. Kropli razam, zhodna, żwawa, pojać ŭsio, szto chocza pić: zbożża, drewy, kwietki, trawy; wułki choczuć zatapić, bjuć u strechi, myjuć szyby, myjuć chaty, moczać sad. U reczcy spożyŭ majuć ryby.

Chto ŭ prypar dażdżu nia rad?

Ściszajecca. Zmianszajecca. Unimajecca. Niama!

I słonka pakazałasia, maŭlaŭ, samo kupałasia. Pryjemna uśmichajecca, bliszczyć, pieraliwajecca, jaskrawa adbiwajecca na traŭcy, na listocku, u reczcy, ŭ raŭczaczoczku, na wułaczcy, ŭ sadoczku. Ziamla ŭzdychaje poŭnymi, szczaśliwymi, czaroŭnymi hrudziami usima.