Pierszy pramień (1929)/94

94. Kamarowa biada
Беларуская народная песьня

1929 год

Іншыя публікацыі гэтага твора: Камарова сьмерць.

Прапануем да спампаваньня!

94. Kamarowa biada.

Oj, u lesie pry dalinie,
U nas stałasia biada.
Pry dalinie, u huszczary,
Kałychalisia kamary.
Dub da duba pachiliŭsia
Kamarok z duba zwaliŭsia.
Pabiŭ kamar patylicu
Ab dubowu karynicu.
Oj, pabiŭ kamar baki
Ab dubowyja suki.
Dy pabiŭ kamar kaleni.
Ab dubowyja kareni.
Wysypalisia ŭsie zuby
Iz kamarawaje huby.
Lacić mucha ratawać
Zimnaj wadoj adliwać.
Kamaroczak, rodny bracie,
Jakża ciabie ratowaci?
Pasyłajcie da apteki,
Ci nia budzie trochu lepiej.
U balnicu zawiadziecie
I mianie tam pałażecie.
Tam dobryja dachtary
Wyjmuć duszu biez pary.
Kamaroczku, rodny bracie,
Dzie-ż mnie ciabie pachawaci?
Nie chawajcie pry dalinie,
Bo wyryjuć mianie świńni.
Nie chawajcie kraj dorohi,
Bo dratawać buduć nohi.
Pachawajcie ŭ ciomnym lesie
Pry zialonieńkim haresie.
Buduć harechi szczypać,
I kamara ŭspaminać.
A dy czyj-ża heta pomnik?
Ci major tut, ci pałkoŭnik?
Ni major tut, ni pałkownik,
A sam komar-supakojnik!