Rodnyje zierniaty (1916)/I/Jak Boh stwaryŭ čeławieka

← Pradśmiertnaja wola

Jak Boh stwaryŭ čeławieka Апавяданьне 1916 год

Zahadki →

Прапануем да спампаваньня!

Jak Boh stwaryŭ čeławieka.

I čeławiek, što mieŭ być ŭładarom ziamli, byŭ wylepleny z hetaj samaj ziamli.

— „Jon ješče nia končeny“ — kazaŭ Boh.

I daŭ Boh čaławieku žyćcio.

Čeławiek ustaŭ na nohi i dawaj bryści pa ziamli, dawaj rupicca, toje dy sioje rabic, ale ničoha ŭ jaho nie wychodziło.

— Treba jamu ješče dadać — kazaūŭ Boh.

I daŭ Boh čeławieku žadańnie.

Čeławiek, jak dziki, puściŭsia biehać pa ziamli, dawaj rupicca, toje dy sioje rabić, ale ničoha ŭ ja­ ho nie wychodziło.

— Treba jamu jašče dadać — kazaŭ Boh.

I daŭ Boh čeławieku rozum.

Tady čeławiek staŭ žyć lepš, rabota ŭ jaho mieła tołk, ale ŭsio ješče čahoś jamu niestawało.

— Treba jamu ješče dadać — kazaŭ Boh.

I daŭ Boh čeławieku ciarpieńnie.

Čeławiek pačaŭ rabić ciarpliwa swaju rabotu i čaściej da mety dabiraŭsia, ale ješče nie stawało jamu świordaści i radaści, bajaŭsia jon, mo nie ŭdascca jamu rabota jaho, mo pracuje jon daremna.

— Treba ješče jamu dadać — skazaŭ Boh i daŭ čaławieku wieru, nadzieju i miłaść.

Tady ŭžo zažyŭ čeławiek na ziamli poŭnym žyćciom.

Pytańnia dla hutarak i piśmiennych rabot. Chto stwaryŭ čeławieka? S čaho paŭstaŭ čeławiek? Što najpierš Boh daŭ čeławieku? A paśla? A paśla? A ješče paśla? Ci byŭ čeławiek zdawolen i čamu nie? Što u kancy daŭ Boh čeławieku?

Što takoje wiera? Što takoje nadzieja? Što takoje miłaść, abo luboŭ? Kaho my pawinny lubić?

Rupicca — staracca, kłapacicca.

---