Rodnyje zierniaty (1916)/II/Leto/Dumki sielanina pierad kaśboju

Dumki sielanina pierad kaśboju
Паэзія ў прозе
Аўтар: А. Калпак
1916 год

Іншыя публікацыі гэтага твора: Думкі (Калпак).

Прапануем да спампаваньня!

Dumki sielanina pierad kaśboj.

Wo ŭžo i kasu hostryć baćka — rychtujecca kasić. I twar jaho wiasoły i ŭśmichajecca sam da siabie… „Ot, dačuška, ja budu kasić, a ty z hrabielkami pryjdzieš“, — kaže jon da dziaŭčynki. — „Pryjdu, tatačka, pryjdu…“

Biedny moj tata! Ty ŭžo narychtawaŭsia da kaśby, ŭžo bačyš, jak toŭstymi prakosami kładziecca trawa, jak świšče kasa u jaje huščy! Hostryš kasu i bačyš, što mnoha ŭžo ty skasiŭ, a sonce tolki źbirajecca ahladać ziamlu swaim świetłym wokam. Praz moment jano pasłało swaich łaskawych słuh budzić usich da raboty. Uśmichnuŭsia les, na ŭsie hałasy adazwalisia ptuški, pčołki stali caławać krasački. Usim zrabiłosia niejak wiasioła! Wiasioła i ŭ ciabie, pracaŭnik, na dušy, wiasioła słuchać, jak piaje twaja kasa! Smat užo hadoŭ ty čuješ hetyje śpiewy, mnoha krasačak panikło haloŭkami ad twajej ruki! Ale nia z złościu — z wialikaj žałaściu ty karociŭ im wiek: zaŭsiahdy byli jany tabie luby! Ci raz ty cełymi hadzinami lubawaŭsia, jak ćwicie kaniušyna, jak wiasioła hudziać čmiali. Bywało, prybiahu ja: „Tatačka, Zmicier pryjšoŭ“, a ty kažeš: — „Nichaj, synok, pačekaje“ i, pasadziŭšy mianie na kaleni sabie, hładziš swajej mazalistaj rukoj lnianyje maje wałaski i šepčeš: „hladzi, Aleśka, jak krasački krasujuć, jak muški z imi haworać.“ Ja prychilusia k tabie haławoju, i niejkaja žałaść biare, chočecca płakać…

Rodnieńki moj, harotnik darahi! Ty prybiraješsia achwotna da ciažkaj pracy, ale skolki treba našapkawać, pakul wymališ kawałak sienažaci? Ci ty zabyŭsia, što swajej chopić tolki da śniedańnia? — Jon pałažyŭ kasu, uśmieška źnikła, pabialeŭšyje wusny niešta šepčuć. Ab čym ty zadumaŭsia? Što hetak mocna ŭskałychnuło twaje dumki? Može cižar raboty ciabie strašyć? „Tata, može ty zachwareŭ, što hetak raptam zrabiŭsia bledny? Idzi adpačyć krychu!“

— „Nie, ja nia chwory! Ale što my budziem kasić?..

Pytańnia dla hutarak i piśmiennych rabot. U jakoj pare hodu kaśba? Jakije sienažaci nazywajucca murožnymi? Jakije sienažaci nazywajucca štučnymi? Nazawicie trawy, jakije rastuć na wašych sienažaciach, Jakije trawy najbolej lubiać karowy? koni? awiečki? Jak s trawy robicca siena? Jak pierachowywajuć siena zimoj?