Rodnyje zierniaty (1916)/II/Wiesna/Ziaziula

← Muzyka

Ziaziula Апавяданьне Аўтар: Карусь Каганец 1916 год

Prykazki →

Іншыя публікацыі гэтага твора: Адкуль зязюля ўзялася.

Прапануем да спампаваньня!

Ziaziula.

Ziaziula kaliś była, kažuć, krasnaju dziaŭčynaju, katoraja mieła dźwie siastry. Tym siostram zawidna było na Ziaziulinu krasu hladzieć i raz, kupajučysia razam u woziery, patapili ciškom ziaziulčynu wopratku, a na toje jakraz nawalnica najšła i tyje siostry paŭciekali da domu. Hołaja Ziaziula zastałasia wopratki šukajučy. Tym časam z woziera wyjšoŭ krasny maładziec, zaklaty kniaziewič, i zabraŭ Ziaziulu da siabie u kryštalny pałac. Pražyŭšy niekolki času u wialikim ščaści i wyhodach, zachaciełosia Ziaziuli baćkoŭ prawiedać. Muž jaje puściŭ s tym, kab pierad wiečeram, pryjšoŭšy na bierah, trojčy kliknuła: — Jakub, Jakub, Jakub! — i tady jon wypływie wializnym wužam i zabiare jaje.

Prybiehšy damoŭ, stała jana apawiedać aba ŭsim matcy, a staršaja siestra ŭsio padsłuchała i, ŭziaŭšy siakieru, pabiehła nad woziero i kliknuła trojčy: Jakub, Jakub, Jakub! I wyjšoŭ wuž, a jana jak siekanie, tak haławu jamu na poł i rasčepała. Potym prybiehaje i Ziaziula — kliče: Jakub, Jakub, Jakub! Ale nichto nie wypływaje, i biare jaje žałaść wialikaja. I z hetaj wialikaj žałaści ličyko jaje wyciahiwajecca u klučku, ručki u krylcy, nožki u łapki, cieło sciahiwajecca i parastaje pierjem, i lacić Ziaziula z drewa na drewo ŭžo ptuškaju biazdomnaju, lacić i ŭsio kliče: — Jakub, Jakub, Jakub!..

Pytańnia dia hutarak i piśmiennych rabot. Kim kaliś była Ziaziula i kolki mieła siaścior? Čaho zawidawali Ziaziuli siostry i što jany zrabili? Što stałosia z Ziaziulaj, kali jaje siostry pakinuli? Jak žyłosia Ziaziuli i čahɔ jej zachaciełosia? Pad jakim warunkam puściŭ jaje muž? Što zrabiła staršaja siestra, padsłuchaŭšy apawiedańnie Ziaziuli? Što stałosia z Ziaziulaj?

Ci ŭ kazcy hetaj raskazana praŭda? Čamu-ž ludzi prydumywajuć sabie niepraŭdziwyje historyi bajki? (Tamu, što kaliś ludzi mała wiedali ab pryrodzie i staralisia ŭsio sabie rastłumačyć, jak umieli, da taho ŭsio tłumačyli s swajej ludzkoj praktyki i žyćcia). Ci bačyli wy ziaziulu? Jak jana wyhladaje? Što wy wiedajecie z jaje žyćcia?