|
Dzień wialiki nastaŭ:
Chrystus Boh uwaskres —
Ustawaj, chto zaspaŭ,
Kab na wieki nia ščez.
Radaść hetuju nam
Abwiaščajučy, zwon
Ljecca, kocicca tam,
Dzie ludzki jość pryhon.
Abudžajecca ŭsio
Ad zimowaha snu
I z wiasiellem žyćcio
Jznoŭ witaje wiasnu.
Liściem krasicca sad,
Muraŭcom sienažać
I Alleluja rad
Kožyn wierny piajać.
Drozd i špak na ŭwieś les
Trel wywodziać swaju —
Chrystus Boh uwaskres,
Čeść i chwała Jamu!
Usio raście bolš trawa,
Zielanieje bor,
Woś žywiołu z chlawa
Wyhaniajuć na dwor.
Ryk wałowy naŭkruh
Čuć dajecca; u hary
Wyś świdruje žaŭruk
Z pieśniaj rańniaj zary.
Matylkoŭ ceły roj
Ŭ jasnym dziennym światle
Zaknižeŭ, moŭ z wadoj
Šum i piena ŭ katle.
Pozna ŭ wiečar turčak
Až pad poŭnač turčyć;
Kamary taŭkuć mak,
Žuk dubowy hudzić.
Usio ŭ pryrodzie žywie,
Pje wiasielle žyćcia
I kazaŭ-by zawie
Nas, jak maci dzicia.
Tolki ty, čaławiek,
Addajeśsia žurbie,
Ciažki čujučy ździek
Ad druhich na sabie.
Kiń žuryccca, žywi
Tej nadziejaj światoj,
Što nia wiek świakryni
Papichać siratoj.
Chrystus Boh uwaskres —
Uwaskreśnieš i ty:
Usiamu pryjdzie kres —
Wyjdzie świet z ciemnaty.
Woś Alleluja piej,
U ciarpieńni trywaj,
A ŭ dušy wiesialej
Budzie, wysłužyš raj.
| 
Прапануем да спампаваньня!