|
Pryjemny pach bezaŭ
Razliŭsia ŭ pawietry,
Jak dym z kadzialnicy.
Z liściastych biarezaŭ,
Z kaštanawaj nietry
Čutny hud mušycaŭ.
Rabina ŭ zubčataj
Listwie ćwiet chawaje
Ad žyrkaha chrušču,
Što chmaraj kryłataj
Naŭkruh ablahaje
Zialonuju hušču.
Pa dzieniašnim znoju
Wiaskowyja ludzi,
Pačuŭšy źniamohu,
Pad kryž hramadoju
Jduć, klenčać na hrudzie
I molacca Bohu.
Majowyja pieńnia
Na čeść Matki Boskaj
Narušyli cišu.
To hora, ciarpieńnia,
To sum z cichaj ślozkaj
Uznosicca ŭ wyšu.
To lud chwarawieki
Pračystaj dziawicy
I Maciery Božaj
Jon molić apieki,
Lakarstwa z krynicy
Ad boli niahožaj.
Haryć mihatliwa
Achwiaryna z wosku,
Dym ŭ nieba ŭzlataje,
Malitwa žarliwa
Harotnuju wiosku
Ŭ biadzie paciašaje.
Praz miłaść, pakoru
Zbawiciela świetu
Karmiła Ty, Maci!
Ad hoładu moru
Hramadku woś hetu
Zwalej zachawaci.
Łahodnaści poŭna,
Zaŭsiody cichaja,
Caryca narodaŭ,
Chaj kraj naš budoŭna
Biaz wojnaŭ trywaje,
Biez swarak i zwodaŭ.
Pačuj hołas dzietak,
Najlepšaja Maci,
Malisia za nami,
Kab my kaliś hetak
Ciabie wychwalaci
Mahli z Aniołami.
Apošnija słowy
I ton hałaśliwy
Ŭ prastory ŭtanuli;
Schiliŭšy hałowy
Da domu ščaśliwy
Ludcy jści šuhnuli.
| 
Прапануем да спампаваньня!