|
Nadyszoŭ ciopły maj
Poŭna skroś charastwa:
Dzie ni hlań — ŭsiudy raj —
Pacham dyszä trawa.
U liściastym wianku
Ściszna drewy stajać
Pamiż ich i ciańku
Jäłaŭcy ŭ wyż hladziać.
I barlinka listok
Małażlawy ŭ haru
Uźniała, i zwanok
Prykurnuŭ ŭ huszczaru,
I dziäraza praz moch
Wyhladajä ziałom,
Bytcym ŭjecca la noh
Lesu, bjuczy czałom,
Szyszki jełak jak szczyr
Czyrwiniacca ŭ hary; —
Mo’ siłacz-bahatyr,
Dremić les ŭ pancyry.
Ad kalczuhi żwiańnio
Zihacić na światle;
Krukaŭjo, warańnio
Straż dziarżyć na czale.
Słonka zołatam lje,
Ledź nia mienicca ŭ żar, —
I pramieńnie swaje
Zapuszczajä ŭ huszczar.
Chwału Bohu dajuć
Ptuszki pieśniaj swajej,
Ściszna pszczołki huduć,
Biaruczy wosk ŭ wulej.
I chaciełasia-b im
Pamahczy hymn piäjać,
U nastroju takim
Czym daŭżej prastajać;
Nawuczycca ad ich
Mieć wiasielle ŭ żyćci
I u chwilach ciażkich
Lhi szukać ŭ zabyćci.
Tak, jak pszczołki, ŭ ciszy
S pracy soład źbirać,
Kab wiasielle duszy
I spakoj uliwać.
I u sercy na dnie
Czujesz rozkasz żyćcia
I śmiajeszsia mo ŭ śnie
Ad prypływu czućcia.
I sapraŭdy les toj
Zamiäniajecca ŭ raj,
I chacieŭby duszoj
Tam lacieć na wyraj…
Abudżaiszsia z mar
I niawyśnianych snoŭ,
A żyćcio słotnych chmar
Prad taboju iznoŭ.
Uzirajeszsia ŭ wyż
I szukajesz tych zor,
Szto wiaduć nas praz kryż
U niabiesny prastor…
I nadziei pramień
Razam z wieraj tady
Prabiwaicca ŭ cień
Biezpraświetnaj żudy.
Woś tady, jak dzicia,
Choczysz żyć i lubić
Kryż i cierni żyćcia,
Kab na Raj zasłużyć.
............
Piekny les ŭ mai
U karonie jak car,
Tut kazaŭby ŭ rai
Czujesz roskaszy czar.
| 
Прапануем да спампаваньня!
._%D0%A3%D0%B7%D0%BE%D1%80_1.png){kind=small}