Zbornik «Našaj Niwy» (1912)/2/Leta

Leta
Верш
Аўтар: Хведар Чарнышэвіч
1912 год

⁂ →

Іншыя публікацыі гэтага твора: Лета (Чарнышэвіч).

Прапануем да спампаваньня!

Leta.

U letni čas jak wiesieła na poli!..
Pasiewami krasujecca ziemla…
I choče žyć i choče ščaścia, woli
Duša maja.

Pramieniem radasnym bliskoče ŭ niebi sonce,
Uwakruh krasa, prywolle, świetły raj…
I piekny ž ty, lublu ciabie biaz konca.
Moj rodny kraj!

Zialony haj źwinić ad ptušek śpiewu,
Hamoniać radasna pamiž saboj kusty,
Na popławi, hladziš, na prawa i na lewa
Kruhom kwiaty.

U chwalach woziera razlita pazałota
I radasć ščasnaja ŭ bary hłuchim šumić
I ručajok, i rečka, i bałota
Žyćciom kipić.

I dumka poŭnaja wiasiołaj, nowaj wiery…
Ech, dziŭny leta čas! lubujusia taboj!
Jak ty-ž mnie mił… Lublu ciabie biaz miery,
Kraj rodny moj!

F. Černyšewič.