Акрываўленая зямля (1930)/III/Сустрэча

← Чарнее на сьнегу істужка

Сустрэча Верш Аўтар: Паўлюк Шукайла 1930 год

Але… спаткаліся, разышліся →

Прапануем да спампаваньня!

СУСТРЭЧА

Люблю сяброў
Такіх вось
Нечаканых,
З вялікай шчырасьцю
І палкасьцю душы.
Акорды слоў
Музыкі нязнанай
І адважна-юнацкі
Зірк…

Я сустрэў вас
Зусім нечакана,
Я спаткаў вас
У полі жыцьця,
Дзе барозны
Па-рознаму
Ўзараны,
І калосьсі
Па рознаму шасьцяць.

Мне чамусьці
Блізкі
І знаёмы
Зірк палкіх
Маладосьцю воч —
Мо таму,
Што рунеюць
Загоны,
І зоры
Карагодзяць ноч.

Мо таму,
Што хада
Нэрвовая.
Мо таму,
Што мяцежнасьць
Бурліць —
У гуках чую
І шчасьце,
І гора,
У думках —
Далёкія караблі.

Я іду
З Вамі
Адважным крокам
На спатканьне
Чырвонай зары.
Нам ня страшна
Ноч чорнавокая
І воўчыя вочы
Удалі…