Творы М. Багдановіча (1927—1928)/I/I/77

← 76. ⁂ Маладыя гады

77. ⁂ Вышаў з хаты Верш Аўтар: Максім Багдановіч 1927 год

78. ⁂ Сьцюжа, мрок →

Прапануем да спампаваньня!

77.

∗     ∗
∗

Вышаў з хаты. Ціха сьпіць надворак.
Наплывае радасьць, з ёю — сум.
Ня зьлічыць у небе ясных зорак,
Ня зьлічыць у сэрцы сьветлых дум.

Шмат зазнаў я горачы з нудою,
Што шчаміла, мучыла, пякла…
Ўсё ужо прайшло, сплыло вадою, —
Моладасьць ня зьнікла, не прайшла!

1915-16.

Увагі

77. Вышаў з хаты… Выдаецца з аўтографу (VI, № 8, 31), які мае выгляд чарнавога накіду, аднак верш больш-менш закончаны зьместам і стылем. Адносна году напісаньня гл. ўвагу да вершу гэтага разьдзелу № 71.