Вянок (1927)/Старая спадчына/Тэрціны

← Октава (Як моцны рэактыў…)

Тэрціны (Ёсьць чары у забытым, старадаўным) Верш Аўтар: Максім Багдановіч 1927 год

Грамада зорак „Карона“ →

Іншыя публікацыі гэтага твора: Тэрцыны (Багдановіч).

Прапануем да спампаваньня!

ТЭРЦІНЫ.

Ёсьць чары у забытым, старадаўным;
Прыемна нам сталецьцяў пыл страхнуць,
Пажыць мінулым — гэткім мудрым, слаўным, —

Быцьцё дзядоў у смутку ўспамянуць.
Мы сквапна цягнемся к старым поэтам,
Каб хоць душой у прошлым патануць.

І вось зьвярнуўся я к рондо, сонэтам,
І бліснуў ярка верш пануры мой:
Як месяц зіхаціць адбітым сьветам.

Так вершы зьзяюць даўніх форм красой!