Вянок (1927)/У зачарованым царстве/Дзесь у хмарах жывуць павукі…

∗ Дзесь у хмарах жывуць павукі…
Верш
Аўтар: Максім Багдановіч
1927 год

Іншыя публікацыі гэтага твора: Дзесь у хмарах жывуць павукі…

Прапануем да спампаваньня!

∗
∗ ∗

Дзесь у хмарах жывуць павукі,
Што снуюць павучыну дажджа.
Кожны тлусты і мягкі такі,
Скура сьлізкая, як у вужа,
Ў целе стыгне халодная кроў,
Злосьць бязцэльная ў круглых вачах…
Чу! Чуваць шорах ног павукоў,
Аплятаючых сьцены і дах.