Збор твораў (Купала, 1925—1932)/VI/III/Лета цёплае мінае

← Павук і муха

Лета цёплае мінае Верш 1932 год Пераклад: Янка Купала

Зімка →

Іншыя публікацыі гэтага твора: Лета цёплае мінае.

Прапануем да спампаваньня!

ЛЕТА ЦЁПЛАЕ МІНАЕ

З польскага

Лета цёплае мінае
З сваім сонцам, з сваёй сушай,
Толькі ў садзе на галінах
Сьпеюць яблыкі ды йгрушы.

З назублёнымі сярпамі
Шчыра ў полі гнуцца жнеі;
Селянін зьбірае збожжа
Ды зноў зерне вее, сее.

Во і скончана ўсё жніва,
Ўжо дабро ўсё пад страхою, —
Ажно міла паглядзеці
На багацьце на такое!

1924 г.

---