Зорным шляхам (1932)/Песьні каханьня/Плакаў дожджык ноччу…

← ⁂ (Сягоньня я хворы…)

⁂ (Плакаў дожджык ноччу…) Верш Аўтар: Хведар Ільяшэвіч 1932 год

⁂ (Беласьнежным, сьвежым цьветам…) →

Прапануем да спампаваньня!

∗
∗       ∗

Плакаў дожджык ноччу,
Біўся ў вокны лісьцем…
Сэрца чагось хоча,
Як даўней, калісьці…

Ў дрэме неспакойнай
Мрою аб дзяўчыне…
Цені у пакоі
Сплялі павучыньне…

Ценяў сон вясеньні —
Матыль лёгкакрылы…
Плывуць лятуценьні
З дальнiх небасхілаў…

1931.