З палёў Заходняй Беларусі (1927)/V/Як усё ў жыцьці, яшчэ вясна…

⁂ Як усё ў жыцьці, яшчэ вясна…
Трыялет
Аўтар: Уладзімір Жылка
1927 год

Іншыя публікацыі гэтага твора: Як ўсё ў жыцьці, яшчэ вясна…

Прапануем да спампаваньня!

∗
∗ ∗

Як усё ў жыцьці, яшчэ вясна
Мінула ў вечнасьць назаўсёды.
Памножыла тугу й нягоды,
Як ўсё ў жыцьці, яшчэ вясна.
Душы-ж нібы чагосьці шкода,
А думка за аднэй адна:
Ў тваім жыцьці яшча вясна
Мінула ў вечнасьць назаўсёды.

1921 г.