Звон вясны (1926)/І. Плаўнік/Машыннае раньне

← ⁂ (Гэты сьпеў я падслухаў у руні)

Машыннае раньне Верш Аўтар: Ізраіль Плаўнік 1926 год

Штрыхі →

Прапануем да спампаваньня!

МАШЫННАЕ РАНЬНЕ

I

Сонца высунула
Голаву з-за гораў, —
І спужаўся, згінуў
Змрочнай ночы цень…
Заірзаў
Гудкамі раньня горад,
Загуляў у сьвітцы новай дзень…
Сонца сыпле
Жменяю праменьні!..
Аўтобус ад радасьці рагоча.
Забражджэў на бруку
Грук каменьня, —
Дзень сустрэць
Сьпяшаецца рабочы…

II

Добры дзень!..
Заводзяць сьпеў машыны…
Так-так-так!..
Ляскочуць малаткі;
Гэй, жывей!..
Крычаць маторы, шыны…
Добры дзень!..
Гудкі…
Гудкі…
Гудкі!