Мая ліра (1924)/II/Гымн роднай зямлі

← З кнігі мудрасьці

Гымн роднай зямлі Верш Аўтар: Казімір Сваяк 1924 год

На гадав. незалеж. Белар. →

Іншыя публікацыі гэтага твора: Гымн роднай зямлі.

Прапануем да спампаваньня!

II.

ГЫМН РОДНАЙ ЗЯМЛІ.

Зямліца прошласьці ціхой,
Крывавай спісана рукой,
Айчына — Маці — Беларусь,
Цяжкі лёс Твой.

Паклон с трудом Тваей дружбе,
Паклон за волю барацьбе,
Айчына — Маці — Беларусь,
Паклон Табе.

Жалосна плача песьнь Твая
І Бога моліць, сьлёзная,
Айчына — Маці — Беларусь,
Ты родная:

Ідзе вось ясная пара,
Правіду сьвеціць нам зара,
Айчына — Маці — Беларусь,
Гарой, Жыва!